Mu Velorum
From Wikipedia, the free encyclopedia
Remove ads
Mu Velorum (μ Vel / HD 93497 / HR 4216) ye una estrella na constelación de Vela —la vela del Argo Navis—, la quinta más brillosa de la mesma con magnitú aparente +2,69. Alcuéntrase a 116 años lluz del Sistema Solar.
Mu Velorum ye una estrella binaria compuesta por una xigante mariella de tipu espectral G5III y 4900 K de temperatura, denomada Mu Velorum A, y una nana mariella de tipu G2V, Mu Velorum B. La estrella xigante ye 115 vegaes más lluminosa que'l Sol y el so radiu equival a 15 radios solares. La nana mariella nun ye bien distinta al Sol, una estrella de la secuencia principal que nel so nucleu produzse la fusión d'hidróxenu; con una lluminosidá tres veces mayor que la del Sol, la so masa ye un 20% mayor que la masa solar. Sicasí, observaciones nel ultravioleta suxeren qu'ésta última ye más caliente de lo que correspuende al so tipu espectral, pudiendo ser una estrella de tipu F. El periodu orbital del sistema puede tar ente 116 y 138 años —el datu varia según la fonte consultada—.
La carauterística más importante de Mu Velorum A ye la so actividá magnética, que favorez la emisión de rayos X dende'l so corona caliente, a pesar de la so baxa velocidá de rotación igual o superior a 6 km/s. En 1998 reparóse un xigantescu fogaral que duró dos díes primero que la estrella recuperara la normalidá.
Remove ads
Referencies
Wikiwand - on
Seamless Wikipedia browsing. On steroids.
Remove ads