Pedro Duque

Pedro Francisco Duque Duque (14 de marzu de 1963, Madrid) ye un inxenieru aeronáuticu, conocíu principalmente por ser el primer astronauta de nacencia y nacionalidá española. Pedro Duque ta casáu con Consuelo Femenía Guardiola y tien tres fíos. Anguaño ye ministru de Ciencia, Innovación y Universidaes del Gobiernu d'España.

Pedro Duque
Diputáu nel Congresu de los Diputaos d'España 3 avientu 2019 - 21 febreru 2020 Distritu: Alacant Eleiciones: eleiciones al Congresu de los Diputaos de payares de 2019, eleiciones al Congresu de los Diputaos de payares de 2019 n'Alicante Diputáu nel Congresu de los Diputaos d'España 21 mayu 2019 - 24 setiembre 2019 Distritu: Alacant Eleiciones: eleiciones al Congresu de los Diputaos d'abril de 2019 Minister of Science, Innovation and Universities (en) 7 xunu 2018 - 12 xunetu 2021 ← ensin valor - Diana Morant →
Vida
Nacimientu	Madrid[1], 14 de marzu de 1963[1] (62 años)
Nacionalidá	España
Familia
Casáu con	Consuelo Femenía [2]
Fíos/es	3[2]
Estudios
Estudios	Universidá Politéunica de Madrid (setiembre 1981 - xunu 1986) llicenciatura
Llingües falaes	castellanu
Oficiu
Oficiu	inxenieru, cosmonauta, políticu
Llugares de trabayu	Madrid
Emplegadores	Axencia Espacial Europea Deimos Imaging (en)  (1r ochobre 2006 –  21 ochobre 2011) Hispasat (en)  (avientu 2023 –
Premios	ver Premios Princesa d'Asturies Crosses of Aeronautical Merit Orde de Carlos III Orde de l'Amistá  (1995) Premiu Princesa d'Asturies de Cooperación Internacional  (1999) [3] Grand Cross of the Aeronautical Merit  (1999) [4] doctor honoris causa pola Universidá de Valencia  (2005) [5] Medaya "Por Méritos na Esploración del Espaciu"  (2011) doctor honoris causa pola Universidá Europea de Madrid  (2013) [6] doctor honoris causa pola Universidá Nacional d'Educación a Distancia  (2016) [7] doctor honoris causa pola Universidá d'Almería  (2017) [8] Gran Cruz de la Orde de Carlos III  (2021) [9]
Miembru de	Real Academia de Ingeniería International Academy of Astronautics (en)
Astronauta
Misiones	STS-95 (en)  Soyuz TMA-3 Soyuz TMA-2
Insinies de misión
Tiempu nel espaciu	27 046 minutos
Creencies
Partíu políticu	políticu independiente [1]
IMDb	nm2117190
pedroduque.es

Biografía

Nacíu en Madrid, de padres emigrantes estremeños. Ente los sos antepasaos atópase Rodrigo Duque Alemán, escultor y tallista de les sillerías de la catedral de Plasencia, curiosamente cúntase que Rodrigo morrió al intentar volar dende lo alto de la torre de la catedral de Plasencia con unes ales qu'él mesmu s'había construyíu.^[10]

Pedro Duque llicencióse en 1986 na E.T.S.I. Aeronáuticos de la Universidá Politéunica de Madrid, siendo'l segundu de la so promoción, a pesar de tener nota media de 10. Nesi mesmu añu empezó a trabayar nel grupu empresarial español GMV, onde foi destináu al ESOC en Darmstadt (Alemaña) pa realizar trabayos nel marcu de l'Axencia Espacial Europea (la ESA). En 1992, foi escoyíu n'unu de los concursos que realizó dicha axencia pa buscar persones que puedan desenvolver el llabor d'astronauta.

Foi entrenáu na Ciudá de les Estrelles de Moscú (Rusia) y n'Estaos Xuníos. La so primer misión espacial foi la STS-95 del tresbordador espacial Discovery, ente ochobre y payares de 1998, de nueve díes de duración, mientres la cual supervisó'l módulu esperimental de la ESA. N'ochobre de 2003, Duque participó n'otru viaxe, nel cual foi llanzáu nuna nave Soyuz TMA, realizando'l llabor d'inxenieru de vuelu y visitando la Estación Espacial Internacional mientres diez díes pa la realización de la Misión Cervantes.

Dende payares de 2003 a ochobre de 2006 trabayó na E.T.S.I. Aeronáuticos de la Universidá Politéunica de Madrid,^[11] como Direutor d'Operaciones del USOC español, impartiendo delles conferencies p'alumnos tantu de la E.T.S.I. Aeronáuticos como de la E.O.I.T. Aeronáuticos nel marcu d'un cursu de llibre eleición denomináu "Ciencia y operaciones nel espaciu".

Nel añu 2006 foi nomáu direutor xeneral de Deimos Imaging, S.L., una empresa asitiada nel Parque Teunolóxicu de Boecillo (Valladolid) que'l 29 de xunetu de 2009 punxo n'órbita'l primer satélite español d'observación de la Tierra que dexa ameyorar l'usu de la tierra n'agricultura, avanzar na detección y el control de quemes, y velar pola salú de los montes. En 2010 asume'l cargu de presidente executivu d'esta compañía en sustitución de Francisco Javier Martínez de Irujo.

N'ochobre de 2011 Duque retornó a l'Axencia Espacial Europea dempués de la so excedencia, onde retomó'l so puestu d'Astronauta. Dende 2011 hasta 2015 lideró la Oficina d'Operaciones de Vuelu, con responsabilidá sobre les actividaes europees na Estación Espacial Internacional. Anguaño ye responsable de revisión de proyeutos futuros de la ESA pa vuelos tripulaos, dientro del cuerpu d'astronautes de la ESA.

El 6 de Xunu de 2018, ye nomáu ministru de ciencia por Pedro Sánchez.

Duque ye aficionáu a la natación, al submarinismu y a la bicicleta.

Honores especiales

• En marzu de 1995 recibió la "Orde de l'Amistá"^[12] concedida pol Presidente Yeltsin de la Federación Rusa.
• En febreru de 1999 recibió la Gran Cruz al Méritu Aeronáuticu,^[13] impuesta por Xuan Carlos I,anterior rei d'España.
• N'ochobre de 1999, Pedro Duque recibió'l Premiu Príncipe d'Asturies de Cooperación Internacional^[14] xunto colos astronautes Chiaki Mukai, John Glenn y Valery Polyakov. El premiu foi-yos concedíu por haber sío consideraos representantes de los artífices de la cooperación internacional na esploración pacífica del espaciu.
• N'ochobre de 2005 ye nomáu Doctor Honoris Causa^[15] pola Universidá Politéunica de Valencia
• En mayu de 2011 recibió la medaya de la Federación Rusa Medaya "Por Méritos na Esploración del Espaciu".^[16]
• N'abril de 2013 ye nomáu Doctor Honoris Causa^[17] pola Universidá Europea de Madrid.
• En xunu de 2016 ye nomáu Doctor Honoris Causa^[18] pola UNED.
• En xunu de 2017 ye nomáu Doctor Honoris Causa^[19] pola Universidá d'Almería.

Ver tamién

• Astronauta
• Estación Espacial Internacional