U Coronae Borealis
From Wikipedia, the free encyclopedia
Remove ads
Coordenaes: 
15h 18m 11.352s, 31° 38′ 49.412″
U Coronae Borealis (U CrB / HD 136175 / HIP 74881)[7] ye una estrella variable na constelación de Corona Boreal que'l so rellumu varia ente magnitú aparente +7,66 y +8,79.[8] Alcuéntrase a una distancia averada de 1100 años lluz del Sistema Solar.
U Coronae Borealis ye una estrella binaria cercana (del tipu SD, binaria semidesprendida), onde los dos componentes tópense abondo cerca como por qu'esista tresferencia de masa ente elles. La más lluminosa d'elles ye una estrella blancu-azulada de tipu espectral B6V con una temperatura efectivo de 15.311 K. Ye tamién la componente más masiva con una masa de 4,7 mases solares y una lluminosidá 331 vegaes mayor que la lluminosidá solar. El so acompañante ye una estrella xigante o subxigante mariella de tipu G0III-IV y 5.808 K de temperatura. 25 vegaes más lluminosa que'l Sol, tien una masa de 2,60 mases solares. El diámetru d'esta postrera —casi 5 vegaes mayor que'l del Sol— ye casi'l doble que'l de la so compañera.[9]
Coles mesmes, U Coronae Borealis ye una binaria eclipsante qu'exhibe dos eclises desiguales, con cayíes de rellumu de 1,13 y 0,06 magnitúes.[10] L'eclís principal tien llugar cuando la estrella mariella, de mayor tamañu pero menor lluminosidá, pasa per delantre de la estrella blancu-azulada. El periodu orbital del sistema ye de 3,4522 díes.[9]
Mui cerca, nel mesmu campu visual, alcuéntrase la tamién estrella variable AX Coronae Borealis, un astru de tipy BY Draconis descubiertu nel añu 2006.
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads