WASP-12
From Wikipedia, the free encyclopedia
Remove ads
Coordenaes: 
6h 30m 32.797s, 29° 40′ 20.264″
.jpg)
WASP-12 (2MASS J06303279+2940202) ye una estrella na constelación d'Auriga, visualmente asitiada a 55 minutos d'arcu de la variable RT Aurigae. La so magnitú aparente en banda B ye +12,1.[9] En 2009 anuncióse'l descubrimientu d'un planeta estrasolar, denomináu WASP-12b, orbitando en redol a esta estrella.[10] WASP respuende a les sigles ingleses de Wide Angle Search for Planets, un proyeutu pa la busca automatizada de planetes estrasolares per aciu la observación de tránsitos astronómicos.
WASP-12 ye una estrella mariella de tipu espectral F-tardíu —anque na base de datos SIMBAD figura como de tipu G0—[9] con una temperatura efectivo de 6300 ± 200 K. De mayor tamañu que'l Sol —el so diámetru ye un 57% más grande—, rota con una velocidá inferior a 2,2 km/s.[10] Tien una metalicidá aproximao'l doble de la del Sol[11] y una lluminosidá 3,5 vegaes superior a la lluminosidá solar. Con una masa de 1,35 mases solares, puede tener una edá averada de 2000 millones d'años.[10]
WASP-12 alcuéntrase a 871 años lluz del Sistema Solar.[11]
Remove ads
Sistema planetariu
El planeta n'órbita alredor de WASP-12, denomináu WASP-12b, ta dixebráu namái 0,023 UA de la estrella. Con una masa mínimo equivalente a 1,41 vegaes la masa de Xúpiter, ye un planeta del tipu «Xúpiter caliente». Completa una vuelta en redol a la estrella en pocu más d'un día. El so curtiu periodu, xuníu a que WASP-12 ye una estrella caliente, faen que la so temperatura d'equilibriu algame los 2516 K. Esto conviérte-y, nel momentu del so descubrimientu, nel planeta conocíu que recibe una mayor cantidá de radiación electromagnético.[10]
Remove ads
Referencies
Wikiwand - on
Seamless Wikipedia browsing. On steroids.
Remove ads