Y Camelopardalis
From Wikipedia, the free encyclopedia
Remove ads
Coordenaes: 
7h 41m 11.005s, 76° 4′ 26.089″
Y Camelopardalis (Y Cam / HIP 37440 / BD+76 286)[7] ye una estrella variable na constelación de Camelopardalis, la xirafa. De magnitú aparente media +10,50, alcuéntrase a una incierta distancia del Sistema Solar de cerca de 2200 años lluz.
Y Camelopardalis ye una estrella binaria con un periodu orbital de 3,3057 díes. La componente principal ye una estrella blanca de la secuencia principal de tipu espectral A7V y una temperatura efectivo de 7219 K. La so lluminosidá ye 20,9 vegaes mayor que la lluminosidá solar y tien un radiu casi tres veces más grande que'l del Sol. Tamién ye daqué más masiva que'l Sol, con una masa de 1,70 mases solares. L'acompañante ye una subxigante naranxa de tipu K1IV con una temperatura de 4507 K. 3,2 vegaes más lluminosa que'l Sol, el so radiu ye casi idénticu al del so brillosu compañera, pero la so masa supón namái'l 40% de la masa solar.[8] El periodu orbital del sistema amuesa variaciones al llargu plazu, que pueden debese a la presencia d'un tercer oxetu. Esti hipotéticu oxetu completaría una órbita alredor de la binaria cercana cada 50,301 dias, siendo la escentricidá de la órbita ε = 0,38. Tendría una elevada masa y, si fuera una estrella normal, sería una estrella de tipu O; yá que nun se reparó una estrella d'estes carauterístiques —que sería más brillosa que'l restu del sistema—, especulóse que pueda tratase d'un oxetu relativista.[9]
El sistema constitúi una variable eclipsante bien asemeyada, por casu, a R Canis Majoris. Nel eclís principal el so rellumu mengua 1,75 ente que nel eclís secundariu la cayida de rellumu ye d'apenes 0,10 magnitúes.[10] Amás, Y Camelopardalis ye una variable Delta Scuti, una de les poques binaria eclipsantes qu'amuesen esta clase de variabilidá.[9]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads