Вологда өлкәһе

Вологда өлкәһе — Рәсәй Федерацияһы субъекты, Төньяҡ-Көнбайыш федераль округ составына инә.

Рәсәй Федерацияһы субъекты
Вологда өлкәһе
Вологда өлкәһе флагы Вологда өлкәһе гербы
Административ үҙәк	Вологда
Майҙаны	26-сы
- Барлығы - һыу өҫтө %	144 527 км² 11,7
Халҡы	43-сө
- Барлығы - Тығыҙлыҡ	↘1 187 685[1] (2016) 8.22 кеше/км²
ТТП	39-cs
- Барлығы (ағым. хаҡ.) - Йән башына	195,1[2] млрд. һум (2010) 204 мең һум
Федераль округ	Төньяҡ-Көнбайыш
Иҡтисади район	Төньяҡ
Губернатор	Олег Александрович Кувшинников
Өлкә думаһы рәйесе	Георгий Егорович Шевцов
РФ субъекты коды	35
ISO 3166-2 коды	RU-VLG
Сәғәт бүлкәте	MSD[d] һәм Европа/Москва[d][3]

Административ үҙәге — Вологда ҡалаһы.

Географияһы

Вологда өлкәһе төньяҡта — Архангельск өлкәһе, көнсығышта — Киров өлкәһе, көньяҡта — Кострома һәм Ярославль өлкәләре, көньяҡ-көнсығышта — Тверь һәм Новгород өлкәләре, көнбайышта — Ленинград өлкәһе, төньяҡ-көнбайышта — Карелия менән сиктәш.

Өлкә төньяҡтан көньяҡҡа ҡарай яҡынса 400 киометрға, ә көнбайыштан көнсығышҡа — яҡынса 700 километрға һуҙылған.

Халҡы

Ер еләге менән ҡыҙ (Вологода губернаһы)
1909 йылғы С. М. Прокудин-Горский фотографияһы

Рәсәй Дәүләт статистикаһы федераль хеҙмәте мәғлүмәттәре буйынса, өлкәнең халыҡ иҫәбе 1 187 685 (2016) кеше тәшкил итә. Халыҡ тығыҙлығы — 8.22 кеше/км² (2016). Ҡала халҡы — 72.11 % (2015).

Өлкәнең төп халҡы — урыҫтар (97,27 %^[4]), бында көн иткән вепстар һаны 0,04 % тәшкил итә^[4]).

2002 йылда Вологда өлкәһендә 232 башҡорт йәшәгәне теркәлгән^[5].

Билдәле шәхестәре

• Катаев Николай Анатольевич (22.11.1939), ғалим-хоҡуҡ белгесе, эске эштәр органдары ветераны, юғары мәктәп эшмәкәре. 1988—1996 йылдарҙа СССР һәм Рәсәй Эске эштәр министрлығының Өфө юридик институты начальнигы. Отставкалағы эске хеҙмәт генерал-майоры (1992). Юридик фәндәр докторы (2004), профессор (1994). Башҡорт АССР-ының 12-се саҡырылыш Юғары Советы (1990—1993) депутаты. Рәсәй Федерацияһының атҡаҙанған юғары мәктәп хеҙмәткәре (2010), Башҡортостан Республикаһының атҡаҙанған юрисы (1993). Салауат Юлаев ордены кавалеры (2014). Сығышы менән Вологда өлкәһенең Сокол ҡалаһынан^[6].

Административ-территориаль бүленеше

2006 йылдан алып Вологда өлкәһе территорияһында 372 муниципаль берәмек бар, шул иҫәптән:

• 26 муниципаль район
• 2 ҡала округы (Вологда һәм Череповец)
• 22 ҡала һәм 322 ауыл биләмәһе.