Урта Ильяс

Урта Ильяс (рус. Среднеильясово) — Рәсәй Федерацияһы Ырымбур өлкәһенең Ҡыҙыл Гвардия районындағы ауыл. Туҡ (Тоцк) ауыл биләмәһе составына инә.

Ауыл
Урта Ильяс
Ил	РәсәйРәсәй
Федерация субъекты	Ырымбур өлкәһе
Муниципаль район	Ҡыҙыл Гвардия районы (Ырымбур өлкәһе)
Координаталар	52°52′ с. ш. 53°28′ в. д.HGЯO
Милли состав	башҡорттар
Һанлы танытмалар
Автомобиль коды	56
ОКАТО коды	53 223 843 006
ОКТМО коды	53 623 443 121
Картаны күрһәтергә/йәшерергә Урта Ильяс

Был терминдың башҡа мәғәнәләре лә бар, ҡарағыҙ: Ильяс.

Географик урынлашыуы

Туҡ йылғаһы буйында урынлашҡан.

Тарихы

Урта Ильяс (Ильяс) — ҡара табын башҡорттарының ауылы. Тәүге тапҡыр 1786 йылда телгә алына^[1]. Тарихсы Нурислам Ҡалмантаевҡа ярашлы, ауылдың атамаһы Ильяс Муллаҡаевтың (Ҡыҙрас Муллаҡаевтың ҡустыһы) исеменә бәйле^[2]. Ырымбур губернаһы (1860 йылдан — Һамар губернаһы) Быҙаулыҡ өйәҙе Йомран-Табын улусы ҡарамағында була^[1]. Башҡортостанда идара итеүҙең кантон системаһы осоронда 9-сы башҡорт кантонының 35-се йортона керә. XIX быуат аҙағында ауыл кешеләре Үрге Ильяс һәм Түбәнге Ильяс ауылдарына нигеҙ һала^[3].

Революциянан һуң Башҡортостан автономияһының (1919 йылдан Башҡортостан АССР-ының) Туҡ-Соран кантоны составына инә. 1923 йылдан республиканың Бәләбәй кантоны ҡарамағында була. ВЦИК ҡарарына ярашлы 1924 йылдың 21 октябрендә Ҡаҙаҡ АССР-ы составына бирелә. 1934 йылдан — Ырымбур өлкәһе составында.

Халҡы

1816	1834	1859	1900	1920[3][1]
234	356	603	604	490

Халыҡ иҫәбе
2010[4]
173

2002 йылғы бөтә Рәсәй йән иҫәбен алыу мәғлүмәттәренә ярашлы ауылда башлыса башҡорттар (91 %) йәшәй^[5].

Билдәле шәхестәре

• Абдулғәлим Ғәбитов — зауряд-хорунжий, 1853-1856 йылдарҙағы Ҡырым һуғышы иҫтәлегенә Владимир таҫмаһында бронза миҙалы кавалеры.
• Байтүрә Ҡалмантаев — зауряд-хорунжий, 1853-1856 йылдарҙағы Ҡырым һуғышы иҫтәлегенә Владимир таҫмаһында бронза миҙалы кавалеры.
• Муса Ғосманов — хорунжий, Андрей таҫмаһында бронза миҙалы кавалеры.