Оло Глушица районы

Оло Глушица районы (рус. Большеглушицкий район) — Һамар өлкәһенең көньяҡ-көнсығышында урынлашҡан муниципаль район.

Оло Глушица районы
рус. Большеглушицкий район

Герб
Ил	Рәсәй Федерацияһы
Төрө	Муниципаль район
Урынлашҡан урыны	Һамар өлкәһе
Берләштерә	8 ауыл биләмәһе
Идари үҙәге	Оло Глушица ауылы
Барлыҡҡа килеүе	1928
Район башлығы	Грибеник Александр Василий улы
Халҡы (2010)	20 389
Аланы	2534 км²
Ваҡыт бүлкәте	MSK (UTC+3)
Телефон коды	+7 84673
Машина номерҙары коды	63, 163
Рәсми сайты
ОКАТО	36 208 000

Административ үҙәге — Оло Глушица ауылы.

Географияһы

Район Һамар өлкәһенең көньяҡ-көнсығыш өлөшөндә урынлашҡан һәм көньяҡ дала зонаһына керә. Һамар өлкәһенең Алексеев, Нефтегорск, Волжск, Красноармейск, Пестравск, Оло Чернигов райондары һәм Ырымбур өлкәһе менән сиктәш.

Майҙаны — 2534 км².

Районда Оло Ырғыҙ йылғаһы һәм уның ҡушылдыҡтары Кәрәлек, Оло Глушица, Журавлиха, Таловка йылғалары аға.

Климаты — континенталь һәм ҡоролоҡло.

Тарих

1862, 1871 һәм 1872 йылдарҙа Кәрәлек йылғаһы буйында урынлашҡан башҡорт йәйләүҙәрендә билдәле урыҫ классигы Лев Николаевич Толстой үҙенең һаулығын ҡымыҙ менән дауалай.

Район 1928 йылда барлыҡҡа килгән.

Халыҡ һаны

2010 йылда уҙғарылған Бөтә Рәсәй халыҡ иҫәбе мәғлүмәттәре буйынса районда 20 389 кеше иҫәпләнгән^[1].

Районда бөтәһе 33 торлаҡ пункты бар.

1989 йылда уҙғарылған Бөтә Союз халыҡ иҫәбе мәғлүмәттәре буйынса районда 972 башҡорт иҫәпләнгән, уларҙың күпселеге Таш-Күстән һәм Моратша ауылдарында йәшәгән^[1]. Хәҙерге ваҡытта башҡорттар шулай уҡ Южный ҡасабаһында ла күпләп йәшәйҙәр^[2].

Административ бүленеш

Оло Глушица районы составына 8 ауыл биләмәһе керә.

Күренекле кешеләр

• Дәүләтшин Ғәббәс Йәғәфәр улы (1892—1937) — башҡорт тел ғилеменә нигеҙ һалыусыларҙың береһе, БАССР-ҙың Үҙәк башҡарма комитеты ағзаһы (Таш-Күстән (Ташбулат) ауылынан);
• Дәүләтшин Ғөбәй (Ғөбәйҙулла) Дәүләткирәй улы (1893—1938) — башҡорт яҙыусыһы, дәүләт һәм йәмәғәт эшмәкәре (Таш-Күстән (Ташбулат) ауылынан);
• Дәүләтшин Хәмзә Ғәббәс улы (9.09.1912—16.07.1999) — ғалим, инженер-механик, техник фәндәр докторы (1964), профессор (1965)(Таш-Күстән (Ташбулат) ауылынан)^[3].