Сәнкем-Биктимер

Сәнкем-Биктимер (рус. Чанким-Биктимирово) — Рәсәй Федерацияһы Ырымбур өлкәһе Һарыҡташ районындағы ауыл.

Ауыл
Сәнкем-Биктимер
Ил	РәсәйРәсәй
Федерация субъекты	Ырымбур өлкәһе
Муниципаль район	Һарыҡташ
Беренсе мәртәбә телгә алынған	1786
Конфессиональ составы	мосолмандар
Һанлы танытмалар
Автомобиль коды	56

Географик урынлашыуы

Ҡаҫмарт йылғаһы үҙәнендә урынлашҡан.

Тарихы

Сәнкем-Биктимер (Түбәнге Сәнкем) ауылы Ырымбур губернаһы Ҡыпсаҡ улусы составында була. Ауылға Биктимер ауылы кешеләре нигеҙ һала. Сәнкем-Биктимер ауылы халҡы үҙ сиратында Яңы Ғафар (Яңауыл) һәм Солтанбай (Уртауыл) ауылдарына нигеҙ һала^[1]. Документтарҙа тәүге тапҡыр 1786 йылда телгә алына^[2].

1917 йылдан Башҡортостан автономияһының (1919 йылдан Башҡортостан АССР-ының) Үҫәргән кантоны составында була. 1922 йылдың 5 октябренән Йылайыр кантоны составына инә. 1930 йылдың 20 авгусынан Башҡортостан АССР-ының Ейәнсура районы составына керә. 1934 йылда яңы ойошторолған Ырымбур өлкәһенең составына бирелә. 1934—1959 йылдарҙа Ырымбур өлкәһе^[3] Ейәнсура районы составында була. 1959 йылда Ырымбур өлкәһенең Һарыҡташ районы составына индерелә^[4].

Халҡы

Ауыл башҡорттарының иҫәбе^[1][2]

1795	1816	1834	1866	1889	1892	1900	1917	1920	1926
114	240	379	437	127	256	238	273	630	115

Билдәле шәхестәре

• Солтанов Йыһат Әҙеһәм улы (3.12.1932), яҙыусы. Башҡортостан Республикаһының атҡаҙанған мәҙәниәт хеҙмәткәре (1993).