Оляф Шольц

Оляф Шольц (па-нямецку: Olaf Scholz; нар. 14 чэрвеня 1958 году) — нямецкі палітык і канцлер Нямеччыны ад Сацыял-дэмакратычнай партыі (СДПН). Шольц займаў пасаду віцэ-канцлера Ангелы Мэркель і міністра фінансаў з сакавіка 2018 году. Раней ён займаў пасаду мэру Гамбурга з 2011 па 2018 гады і быў намесьнікам кіраўніка Сацыял-дэмакратычнай партыі з 2009 па 2019 гады. 24 лістапада 2021 году, пасьля фэдэральных выбараў у Нямеччыне 2021 году, кааліцыя паміж СДПН, Зялёнымі і Свабоднай дэмакратычнай партыяй абвясьціла аб стварэньні левацэнтрысцкага ўраду, які ўзначаліць Шольц^[5]. Чакаецца, што ён будзе абраны канцлерам у пэрыяд з 6 па 9 сьнежня 2021 году^[6].

Оляф Шольц
Olaf Scholz
фэдэральны міністар працы і сацыяльных справаў Нямеччыны[d]
21 лістапада 2007 — 28 кастрычніка 2009
Папярэднік	Франц Мюнтэфэрынг[d]
Наступнік	Франц Ёзэф Юнг[d]
першы бургамістар Гамбургу[d]
7 сакавіка 2011 — 13 сакавіка 2018
Папярэднік	Крыстаф Альгаўс[d]
Наступнік	Пэтэр Чэнчэр[d]
сябра нямецкага Бундэстагу[d]
26 кастрычніка 1998 — 6 чэрвеня 2001
сябра нямецкага Бундэстагу[d]
17 кастрычніка 2002 — 18 кастрычніка 2005
сябра нямецкага Бундэстагу[d]
18 кастрычніка 2005 — 27 кастрычніка 2009
сябра нямецкага Бундэстагу[d]
27 кастрычніка 2009 — 11 сакавіка 2011
Наступнік	Інга Эгляф[d]
сэнатар па ўнутраных справах[d] (Гамбург)
30 траўня 2001 — 23 верасьня 2001
Папярэднік	Гартмут Урокляге[d]
генэральны сакратар СПДН[d]
20 кастрычніка 2002 — 21 сакавіка 2004
Наступнік	Кляўс Увэ Бэнэтэр[d]
фэдэральны міністар фінансаў[d]
14 сакавіка 2018 — 8 сьнежня 2021
упаўнаважаны па нямецка-францускіх культурных сувязях[d]
2015 — 2018
сябра нямецкага Бундэстагу[d]
з 26 кастрычніка 2021
намесьнік кіраўнікоў ураду Нямеччыны[d]
14 сакавіка 2018 — 8 сьнежня 2021
Папярэднік	Зыгмар Габрыель[d]
Наступнік	Роберт Хабек[d]
фэдэральны канцлер Нямеччыны[d]
з 8 сьнежня 2021
Папярэднік	Ангела Мэркель
Асабістыя зьвесткі
Нарадзіўся:	14 чэрвеня 1958(1958-06-14)[1][2][3] (66 гадоў) Аснабрук, Ніжняя Саксонія, Заходняя Нямеччына[4]
Партыя:	Сацыял-дэмакратычная партыя Нямеччыны
Сужэнец:	Брыта Эрнст[d]
Бацька:	Гергард Шольц[d]
Маці:	Christel Scholz[d]
Адукацыя:	Гамбурскі ўнівэрсытэт (1985)
Узнагароды:	Time 100[d] (2022) Time 100[d] (2023) Прэмія сусьветнага грамадзяніна[d] (2023)
Оляф Шольц у Вікісховішчы

Шольц зьяўляецца адвакатам, працуючы паводле спэцыяльнасьці з 1985 году ў галіне працоўнага права^[7]. Ён стаў сябрам СДПН у 1970-х гадах і быў дэпутатам Бундэстагу з 1998 па 2011 гады. Палітык працаваў ва ўрадзе Гамбургу пад кіраўніцтвам першага мэра Ортвіна Рундэ ў 2001 годзе, да свайго абраньня генэральным сакратаром СДПН у 2002 годзе. Шольц працаваў разам зь лідэрам СДПН і тагачасным канцлерам краіны Гергардам Шрэдэрам. Сышоўшы з пасады генэральнага сакратара ў 2004 годзе, ён стаў галоўным парлямэнцкім арганізатарам сваёй партыі ў Бундэстагу, пазьней увайшоўшы ў першы ўрад Мэркель у 2007 годзе ў якасьці міністра працы і сацыяльных справаў. Пасьля таго, як СДПН пакінула ўрад пасьля выбараў 2009 году, Шольц вярнуўся ў Гамбург, ачолеўшы рэгіянальнае аддзяленьне партыі. Палітык таксама быў абраны намесьнікам кіраўніка СДПН. Ён прывёў сваю партыю да перамогі на выбарах у Гамбург у 2011 годзе і стаў мэрам, займаючы гэтую пасаду да 2018 году.

Пасьля таго, як СДПН увайшла ў чацьвёрты кааліцыйны ўрад Мэркель у 2018 годзе, Шольц быў прызначаны адначасова міністрам фінансаў і віцэ-канцлерам Нямеччыны. У 2019 годзе Шольц балятаваўся разам з былой прадстаўніцай партыі ў зямлі Брандэнбург Клярай Гейвіц на сукіраўніцтва партыі, аднак пара атрымала паразу на выбарах ад пераможцаў Норбэрта Вальтэра-Бор’янса і Заскіі Эскен^[8]. У 2020 годзе Шольц быў вылучаны кандыдатам ад СДПН на пасаду канцлера краіны на фэдэральных выбарах 2021 году^[9].

Крыніцы

1. Stammdaten aller Abgeordneten des Deutschen Bundestages
2. Olaf Scholz // Энцыкляпэдыя Бракгаўза (ням.)
3. Olaf Scholz // Munzinger Personen (ням.)
4. Deutsche Nationalbibliothek Record #139130810 // Gemeinsame Normdatei (ням.) — 2012—2016.
5. «German parties form new center-left led government, marking end of Merkel era». Washington Post.
6. «Germany’s Scholz seals deal to end Merkel era». BBC News.
7. «Olaf Scholz, a sound guardian for Germany’s finances». Financial Times.
8. «Germany’s Scholz tops SPD leader vote, but faces run-off». Reuters.
9. «German Social Democrats pick Olaf Scholz to run for chancellor». Financial Times.

Вонкавыя спасылкі

• Біяграфія на сайце Бундэстагу. (ням.)