Ёвэры Мусэвэні

Ёвэры Кагута Мусэвэні (па-ангельску: Yoweri Kaguta Museveni; нар. 15 верасьня 1944) — кіраўнік Уганды з 26 студзеня 1986 року. Захапіў уладу ў выніку грамадзянскай вайны^[3], якую распачаў пасьля паразы на выбарах 1980 року^[4]. У канфлікце загінулі больш за 100 000 чалавек, але Мусэвэні дабіўся зрынаньня Мілтана Аботэ.

Ёвэры Мусэвэні
па-ангельску: Yoweri Kaguta Museveni Tibuhaburwa
старшыня Арганізацыі Афрыканскага Адзінства[d]
9 ліпеня 1990 — 3 чэрвеня 1991
Папярэднік	Хосьні Мубарак
Наступнік	Ібрагім Бабангіда[d]
старшыня Садружнасьці нацыяў[d]
23 лістапада 2007 — 27 лістапада 2009
Папярэднік	Лорэнс Гонзі
Наступнік	Патрык Манінг[d]
прэзыдэнт Уганды[d]
з 29 студзеня 1986
Папярэднік	Тыта Акела[d]
генэральны сакратар Руху недалучэньня[d]
з 16 студзеня 2024
Папярэднік	Ільхам Аліеў
Асабістыя зьвесткі
Нарадзіўся	15 верасьня 1944(1944-09-15) (80 гадоў) Нтунгама[d], Заходняя вобласьць[d], Уганда[1]
Партыя	Рух нацыянальнага супраціву[d]
Адукацыя	Унівэрсытэт Дар-эс-Саляма[d] (1970) Грынэльскі коледж[d] Унівэрсытэт Фатыг[d] Унівэрсытэт Макерэрэ[d] Мбарарскі ўнівэрсытэт навукі і тэхнікі[d] Школа сувязяў з грамадзкасьцю Губэрта Гамфры[d] Мбарарская сярэдняя школа[d]
Сужэнец	Джанэт Мусэвэйні[d][2]
Дзеці	Мугузі Кайнэругаба[d], Diana Museveni Kamuntu[d] і Natasha Museveni Karugire[d]
Узнагароды	Order of South Africa[d] (1 сакавіка 2023) International Kim Il-sung Prize[d] (2014)
Сайт	yowerikmuseveni.com (анг.)

Кіраваньне Мусэвэні называюць канкурэнтным аўтарытарызмам^[5] або нелібэральнай дэмакратыяй^[6]. Ніводныя з выбараў пасьля 1986 року не было прызнаныя вольнымі і празрыстымі^[7]. За гэты тэрмін Ёвэры Мусэвэні падпадаркаваў прэсу^[8][9][10], уцягнуў краіны ў Першую кангалескую вайну, грамадзянскую вайну ў Руандзе, выклікаў паўстаньне Гасподняй арміі супраціву ў паўднёвай Угандзе, што спрычыніла гуманітарную катастрофу. У 2005 року ў Канстытуцыю Ўганды была ўнесеная папраўка, якая скасоўвала абмежаваньне паводле колькасьці тэрмінаў на пасадзе прэзыдэнта; у 2017 была ўнесеная яшчэ адна папраўка, якая скасавала абмежаваньне па ўзросьце.

Апошнія выбары ў 2021 року Ёвэры Мусэвэні выйграў з 58,6% галасоў, нягледзячы на мноства зафіксаваных парушэньняў: укід бюлетэняў^[11], 100%-ю яўку на больш як 400 участках для галасаваньня^[12], парушэньні правоў чалавека^[13][14]. Паводле стану на 2022 , за 36 гадоў аўтарытарнага рэжыму Ўганда заняла 166-е месца паводле СУП на душу насельніцтва і 167-е паводле індэксу чалавечага разьвіцьця.