Ёзэф Паленічэк

Ё́зэф Пале́нічэк (па-чэску: Josef Páleníček; 19 ліпеня 1914, Траўнік, Босьнія і Герцагавіна — 7 сакавіка 1991, Прага) — чэскі кампазытар і піяніст.

Ёзэф Паленічэк
Josef Páleníček
Дата нараджэньня	19 ліпеня 1914
Месца нараджэньня	Траўнік, Босьнія і Герцагавіна
Дата сьмерці	7 сакавіка 1991
Месца сьмерці	Прага
Месца вучобы	Нармальная школа музыкі[d]
Занятак	піяніст, кампазытар, музычны пэдагог, прафэсар унівэрсытэту, музыка, настаўнік
Інструмэнты	фартэпіяна
Дзеці	Jan Páleníček[d]
Узнагароды	Народны артыст Чэхаславаччыны[d] (1979) Заслужаны артыст Чэхаславаччыны[d] (1967)
Подпіс
Ёзэф Паленічэк у Вікісховішчы

Біяграфія

Вучыўся з 1927 году ў Празе ў Карэла Гофмайстэра (спачатку прыватна, затым у Праскай кансэрваторыі), пазьней таксама ў Вітэзслава Новака. У 1936—1938 гадах удасканальвае сваё майстэрства ў парыскай Вышэйшай нармальнай школе музыкі ў Альфрэда Корта (фартэпіяна), Альбэра Русэля (кампазыцыя), Дзырана Алексаняна (камэрны ансамбль).

У 1934 годзе заснаваў Трыё імя Сьметаны (з 1945 году Чэскае трыё), нязьменным піяністам і лідэрам якога заставаўся да самай сьмерці. Выступаў таксама дуэтам зь віялянчэлістам Сашам Вечтамавым. Вядомы сваімі інтэрпрэтацыямі твораў Бедржыха Сьметаны, Леоша Яначака, Багуслава Марціну.

Кампазытарская спадчына Паленічэка ўключае тры фартэпіянныя канцэрты, а таксама канцэрты для клярнэта, саксафона, флейты з аркестрам, «Сымфанічныя варыяцыі на ўяўны партрэт Ільлі Эрэнбурга» (1971), камэрную, харавую музыку.

Ляўрэат Дзяржаўнай прэміі ЧССР (1974), Народны артыст Чэхаславаччыны (1979).

Вонкавыя спасылкі

• Мэмарыяльны сайт (фр.)