Ёнас Зыгенталер

Ё́нас Зыгента́лер (па-нямецку: Jonas Siegenthaler; нар. 6 траўня 1997 году) — швайцарскі хакеіст, абаронца клюбу «Нью-Джэрзі Дэвілз» з Нацыянальнае хакейнае лігі. Праз маці мае тайскае паходжаньне.

Ёнас Зыгенталер
Рост	189 см[1]
Вага	100 кг
Пазыцыя	абаронца
Кідок/Ловы	левы[d]
Грамадзянства	Швайцарыя[1]
Дата нараджэньня	6 траўня 1997(1997-05-06)[2] (28 гадоў)
Месца нараджэньня	Цюрых, Швайцарыя
Клюб	Нью-Джэрзі Дэвілз
Выступаў за	Лаянз Цюрых Гэршы Бэарз Вашынгтон Кэпіталз
Гульнявая кар’ера	2013 — цяпер

Кар’ера

Запачаткаваў кар’еру абаронца ў родным горадзе ў складзе клюбу «Лаянз Цюрых». Ужо адразу гулец успрымаўся вялікім талентам, але ў 2015 годзе на драфце НХЛ быў абраны «Вашынгтон Кэпіталз» толькі ў другім раўндзе пад агульным 57 нумарам^[3]. 30 ліпеня 2015 году Зыгенталер склаў трохгадовы кантракт з сталічным клюбам, але на сэзон застаўся ў Швайцарыі. У сакавіку 2016 году далучыўся да фарм-клюбу Вашынгтону «Гэршы Бэарз»^[4]. Сэзон 2016—2017 гадоў зноўку абараняў колеры «Лаянз Цюрых», а ў сакавіку 2017 году яшчэ раз далучыўся да шэрагаў «Гэршы Бэарз». 8 лістапада 2018 году хакеіст быў выкліканы ў «Вашынгтон Кэпіталз» да матчу супраць «Каламбус Блю Джэкетс»^[5]. Сваю першую шайбу абаронца закінуў 14 сьнежня ў браму «Караліны Гарыкейнз». За часам сэзону 2020—2021 гадоў Зыгенталер быў абменены ў «Нью-Джэрзі Дэвілз» за права выбару ў трэцім раўндзе драфту НХЛ 2021 году^[6]. Спачатку ўлетку 2021 году швайцарац склаў двухгадовы кантракт з «д’ябламі» на 2,25 млн даляраў^[7][10], а праз год склаў новую дамову на пяць гадоў на 15 млн даляраў^[8].