Іван Шчэрба

Іва́н Іва́навіч Шчэ́рба (нар. ў 1956, в. Паднеўкі Барысаўскага раёну Менскай вобласьці) — беларускі дзяржаўны дзяяч, міністар транспарту і камунікацыяў Беларусі (2009—2012).

Вікіпэдыя мае артыкулы пра іншых асобаў з прозьвішчам Шчэрба.

Іван Шчэрба
Міністар транспарту і камунікацыяў Беларусі
26 чэрвеня 2009 — 2012
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Папярэднік	Уладзімер Сасноўскі
Наступнік	Анатоль Сівак
Асабістыя зьвесткі
Нарадзіўся	1956 в. Паднеўкі, Барысаўскі раён, Менская вобласьць, БССР
Адукацыя	Інстытут народнай гаспадаркі (1980)
Узнагароды	Ганаровая грамата Савету Міністраў Рэспублікі Беларусь (2011)

Біяграфія

Нарадзіўся ў 1956 годзе ў вёсцы Паднеўкі Барысаўскага раёну Менскай вобласьці Беларусі.

З 1974 году — працаўнік саўгасу, пасьля служба ў войску.

У 1980 годзе скончыў Беларускі дзяржаўны інстытут народнай гаспадаркі імя В. У. Куйбышава (спэцыяльнасьць — таваразнаўства і арганізацыя гандлю харчовымі таварамі).

1980—1985 — праца на прадпрыемствах Мінгандлю БССР.

1985—1993 — на прадпрыемствах Беларускай чыгункі.

1993—2005 — намесьнік начальніка ўправы зьнешнеэканамічных сувязяў, начальнік управы транспартнай палітыкі, начальнік аддзелу транспартнай палітыкі, начальнік управы дарожна-транспартнай палітыкі, начальнік аддзелу транспартнай палітыкі Міністэрства транспарту і камунікацыяў Рэспублікі Беларусь.

У 2002 г. скончыў Акадэмію кіраваньня пры прэзыдэнце Рэспублікі Беларусь (спэцыяльнасьць — дзяржаўнае кіраўніцтва).

2005—2006 — начальнік управы транспарту і сувязі Апарату Савету Міністраў Рэспублікі Беларусь.

З 30 сьнежня 2006 году — намесьнік міністра транспарту і камунікацыяў.

З 26 чэрвеня 2009 году — міністар транспарту і камунікацыяў Рэспублікі Беларусь.

27 студзеня 2011 году ўзнагароджаны Ганаровай граматай Савету Міністраў Рэспублікі Беларусь^[1].