Ігар Ляшэнка

І́гар Васі́льевіч Ляшэ́нка (нар. 5 лістапада 1974, Ачамчыра, Аўтаномная Рэспубліка Абхазія, Грузінская ССР) — беларускі дзяржаўны дзяяч рэжыму Лукашэнкі. У 2018–2020 гадох намесьнік прэм’ер-міністра Беларусі. З 2021 году генэральны дырэктар ААТ «Горадня Азот».

Ігар Ляшэнка
Дата нараджэньня	5 лістапада 1974(1974-11-05)[1][2] (50 гадоў)
Месца нараджэньня	Ачамчыра[d][1]
Месца вучобы	Гомельскі дзяржаўны ўнівэрсытэт (1996)[1] Акадэмія кіраваньня пры прэзыдэнце Рэспублікі Беларусь[3]
Занятак	палітык
Месца працы	Гомельскі хімічны завод Белнафтахім

Біяграфія

У 1996 годзе скончыў эканамічны факультэт Гомельскага дзяржаўнага ўнівэрсытэту.

Са студзеня 1997 году працаваў на Гомельскім хімічным заводзе. Займаў пасаду інжынэра аддзела маркетынгу, затым начальніка плянава-эканамічнага аддзела. У 2006 годзе ўзначаліў хімзавод.

10 верасьня 2013 году быў прызначаны першым намесьнікам старшыні, а 28 ліпеня 2014 году – старшынёю канцэрну «Белнафтахім»^[4].

18 жніўня 2018 году прызначаны намесьнікам прэм’ер-міністра Беларусі^[5]. 3 сакавіка 2020 году вызвалены з пасады ў сувязі з пераходам на іншую праву^[6].

З мая 2020 году Ляшэнка кіраваў прадстаўніцтвам «Гомельтранснафта Дружба» ў Менску.

26 студзеня 2021 году прызначаны генэральным дырэктарам ААТ «Горадня Азот»^[7].

Санкцыі ЗША

9 жніўня 2021 году Ляшэнка як дырэктар ААТ «Горадня Азот», прадпрыемства канцэрна «Белнафтахім», якое належыць або кантралюецца Аляксандрам Лукашэнкам, быў уключаны ў санкцыйны сьпіс спэцыяльна вызначаных грамадзянаў і заблякаваных асобаў ЗША^[8][9].