Гомельскі дзяржаўны ўнівэрсытэт

Го́мельскі дзяржа́ўны ўнівэрсытэ́т імя́ Франці́шка Скары́ны (ГомДУ, ГДУ імя Ф. Скарыны) — клясычны ўнівэрсытэт, другі ў Беларусі па часе стварэньня. Разьмешчаны ў горадзе Гомелі.

Гомельскі ўнівэрсытэт
Гомельскі дзяржаўны ўнівэрсытэт імя Францыска Скарыны
Заснаваны	1929
Тып	урадавы
Рэктар	Сяргей Хахомаў
Факультэтаў	13
Колькасьць пэрсаналу	1489
Месцазнаходжаньне
Горад	Гомель
Краіна	Беларусь
Былыя назвы	Гомельскі аграпэдагагічны інстытут (да 1933 г.), Гомельскі пэдагагічны інстытут (да 14 сакавіка 1969 г.)
Знаходзіцца ў складзе	Міністэрства адукацыі Рэспублікі Беларусь
Вэб-сайт	www.gsu.by
Гомельскі ўнівэрсытэт у Вікісховішчы

Структура

Будынак Гомельскага дзяржаўнага унівэрсытэту

Дзейнічаюць 13 факультэтаў, 47 катэдраў, асьпірантура, дактарантура, Франка-беларускі інстытут кіраваньня, Інстытут павышэньня кваліфікацыі і перападрыхтоўкі кадраў. Факультэты:

1. Матэматычны факультэт
2. Фізычны факультэт
3. Біялягічны факультэт
4. Філялягічны факультэт
5. Факультэт замежных моваў
6. Факультэт фізычнай культуры
7. Гістарычны факультэт
8. Юрыдычны факультэт
9. Геоляга-геаграфічны факультэт
10. Эканамічны факультэт
11. Завочны факультэт
12. Факультэт псыхалёгіі і пэдагогікі
13. Факультэт давнушнай падрыхтоўкі і навучаньня замежных грамадзян

Гісторыя

У 1929 годзе пастановай ЦВК БССР было прынятае рашэньне аб адкрыцьці ў Гомелі аграпэдагагічнага інстытуту. Да 1933 году інстытут вёў падрыхтоўку настаўнікаў з 2-гадавым тэрмінам навучаньня. У 1933 годзе пераўтвораны ў пэдагагічны інстытут з 3-гадавым тэрмінам навучаньня, у 1934 — з 4-гадовым. У 1939 годзе педінстытута прысвоена імя В. П. Чкалава.

У 1969 годзе інстытут пераўтвораны ў Гомельскі дзяржаўны ўнівэрсытэт. У 1988 годзе ўнівэрсытэту прысвоена імя беларускага першадрукара Францішка Скарыны.

У 1995 годзе на аснове дагавораў аб супрацоўніцтве паміж ГДУ ім. Ф. Скарыны і Аверньскім унівэрсытэтам Клермон-1 (горад Клермон-Фэран, Францыя) быў створаны Франка-беларускі інстытут кіраваньня.

Асноўныя вучэбныя памяшканьні разьмешчаныя ў пяці карпусах, тры зь якіх разьмешчаны на вул. Савецкая, адзін на вул. Песіна і адзін на вул. Кірава. Асобнымі карпусамі зьяўляюцца спарткомплекс (6 корпус), студэнцкая сталовая і прафілякторый (у будынку якога знаходзіцца таксама пункт мэдычнай дапамогі).

Вядомыя выпускнікі

• Алесь Бяляцкі — грамадзкі дзяяч, праваабаронца, ляўрэат Нобэлеўскай прэміі міру за 2022 год.
• Віктар Раманцоў — журналіст, публіцыст, краязнаўца.
• Сяргей Рассадзін — доктар гістарычных навук, прафэсар гісторыі.
• Вальжына Цярэшчанка — беларуская бард-сьпявачка.
• Аляксей Ненадавец — беларускі літаратуразнавец. Доктар філялягічных навук (1995).
• Андрэй Мельнікаў — беларускі бард-сьпявак, літаратар.
• Спартак Мірановіч — гандбольны трэнэр, заслужаны трэнэр СССР і БССР| (1967)
• Віктар Цярэшчанка — беларускі палітык, кандыдат эканамічных навук, кандыдат на пасаду прэзыдэнта Рэспублікі Беларусь на выбарах 2010 году.
• Сяргей Балахонаў — беларускі пісьменьнік.
• Анатоль Сыс — беларускі паэт.
• Станіслаў Чаропка — беларускі гісторык.
• Ганна Новік — беларуская паэтка.

Вонкавыя спасылкі

• Афіцыйная бачына (рас.)