Ігар Палуян

Ігар Іванавіч Палуян (нарадзіўся ў 1962 годзе) — беларускі дыплямат, лацінаамэрыканіст, перакладчык.

Ігар Палуян
Надзвычайны і Паўнамоцны Амбасадар Рэспублікі Беларусь у Рэспубліцы Куба
30 сьнежня 2002 — 18 красавіка 2008
Прэзыдэнт	Аляксандар Лукашэнка
Прэм’ер-міністар	Генадзь Навіцкі, Сяргей Сідорскі
Наступнік	Уладзімер Астапенка
Асабістыя зьвесткі
Нарадзіўся	1962(1962) Менск
Адукацыя	БДПІ Менскі дзяржаўны лінгвістычны ўнівэрсытэт

Вікіпэдыя мае артыкулы пра іншых асобаў з прозьвішчам Палуян.

Біяграфія

Нарадзіўся ў 1962 г. у Менску. Скончыў Мінскі дзяржаўны інстытут замежных моваў у 1984 г. (цяпер Менскі дзяржаўны лінгвістычны ўнівэрсытэт — МДЛУ). Служыў ваенным перакладчыкам з 1984 г. (Кыргыстан, Казахстан, Нікарагуа, Украіна). На дыпляматычнай службе з 1994 г.

Працаваў ва ўпраўленьні інфармацыі і гуманітарных сувязяў, кіраваў прэс-службай, аддзелам Лацінскай Амэрыкі МЗС. Зь лістапада 1999 г. да лістапада 2002 г. быў дарадцам Амбасады Рэспублікі Беларусь у Аргентынскай Рэспубліцы (з акрэдытацыяй ў Рэспубліцы Чылі і Ўсходняй Рэспубліцы Ўругвай). 30 сьнежня 2002 г. быў прызначаны Надзвычайным і Паўнамоцным Амбасадарам Рэспублікі Беларусь у Рэспубліцы Куба^[1]. Заставаўся на гэтай пасадзе да 18 красавіка 2008 г.^[2]. Кансультант, намеснік начальніка ўпраўленьня Амэрыкі МЗС.

Надзвычайны і Паўнамоцны Амбасадар Рэспублікі Беларусь у Рэспубліцы Эквадор з 2 траўня 2014 г.^[3], Надзвычайны і Паўнамоцны Амбасадар Рэспублікі Беларусь у Рэспубліцы Калюмбія, Рэспубліцы Нікарагуа і Рэспубліцы Панама па сумяшчальніцтве з 14 кастрычніка 2014 г.^[4] 12 верасня 2019 году быў вызвалены з гэтых пасад^[5].