Ігар Тыманюк

І́гар Тыманю́к (нар. 31 сакавіка 1994 году) — беларускі футбаліст, абаронца расейскага клюбу «Сатурн».

Ігар Тыманюк
Пэрсанальная інфармацыя
Нарадзіўся	31 сакавіка 1994(1994-03-31)[1] (31 год) Берасьце, Беларусь[2]
Рост	180 см[3]
Вага	85,5 кг[2]
Пазыцыя	абаронца
Клюбная інфармацыя
Клюб	Сатурн Раменскае[d]
Клюбы
Гады	Клюб	Гульні (галы)¹
2013—2016	Дынама Берасьце	28 (1)
2017	Машал[d]	16 (1)
2018	Славія Мазыр	26 (4)
2019	Рух Берасьце	27 (5)
2020—2022	Славія Мазыр	63 (2)
2023	Дынама Берасьце	16 (0)
2024	Белшына	30 (3)
2025	Слуцак	6 (0)
2025—4	Сатурн Раменскае[d]
Зборныя
2016	Беларусь (да 21)	1 (0)

Кар’ера

Клюбная

З 2011 году пачаў выступаць за дубль берасьцейскага «Дынама». На наступны год трывала замацаваўся ў дублі, а 4 жніўня 2013 году дэбютаваў у Найвышэйшай лізе, правёўшы ўвесь матч супраць менскага «Дынама» (2:3). Пазьней працягваў гуляць за дубль, часам прыцягваўся да асноўнай каманды. У першай палове сэзону 2016 году трывала выходзіў у пачатковым складзе дынамаўцаў на пазыцыі цэнтральнага або левага абаронцы. Улетку страціў месца ў асноўным складзе, толькі ў канцы сэзону, у сувязі з траўмай Адрыяна Аўрэміі, зноў пачаў зьяўляцца на пазыцыі цэнтральнага абаронцы.

У лютым 2017 году выправіўся з «Дынама» на першы турэцкі збор, але на другі, гішпанскі, ужо ня трапіў. Пазьней праходзіў прагляд у «Іслачы», але не падышоў каманды^[4] і неўзабаве падпісаў кантракт з узбэцкім клюбам «Машал»^[5]. У студзені 2018 году прыбыў на прагляд у мазырскую «Славію і лютым афіцыйна стаў гульцом клюбу^[6]. У якасьці трывалага гульца першага складу дапамог мазырчукам атрымаць перамогу ў Першай лізе.

У лютым 2019 году далучыўся да берасьцейскага «Руха»^[7], дзе таксама гуляў у пачатковым складзе, дзе разам з клюбам прасунуўся ў Найвышэйшую лігу. У студзені 2020 году па заканчэньні кантракта пакінуў «Рух»^[8]. У лютым 2020 году зноў апынуўся ў складзе «Славіі»^[9]. Замацаваўся ў стартавым складзе каманды ў Найвышэйшай лізе. У сьнежні 2022 году па заканчэньні кантракта пакінуў мазырскі клюб^[10]. У студзені 2023 году падпісаў пагадненьне зь берасьцейскім «Дынама»^[11]. У студзені 2024 году скасаваў кантракт з клюбам^[12], пасьля чаго падтрымліваў форму зь «Нівай». У лютым 2024 году пачаў трэнавацца з бабруйскай «Белшынай» і ў сакавіку афіцыйна ўзмоцніў склад каманды^[13], дзе быў адным зь лідэраў каманды. У лютым 2025 году склаў аднагадовы кантракт з «Слуцкам»^[14][15]. Улетку працоўная ўгода з клюбам была скасаваная на ўзаемную згоду бакоў^[16]. Неўзабаве пасьля гэтага прыяднаўся да клюбу з чацьвертага дывізіёну чэмпіянату Расеі клюбу «Сатурн»^[17].

Міжнародная

10 жніўня 2016 году правёў сваю адзіную сустрэчу за моладзевую зборную Беларусі, адгуляўшы першы тайм таварыскага матча супраць зборнай Малдовы (1:1).

Статыстыка

Клюб	Сэзон	Чэмпіянат
		Дывізіён	Матчы	Галы
Дынама Берасьце	2015	Найвышэйшая ліга	4	0
	2016	Найвышэйшая ліга	20	1
Славія Мазыр	2018	Першая ліга	26	4