Ігар Хадановіч

І́гар Пілі́павіч Хадано́віч (1940, в. Шпількі, Койданаўскі раён, Менская вобласьць, цяпер Беларусь — 1966, Менск, цяпер Беларусь) — беларускі пісьменьнік.

Вікіпэдыя мае артыкулы пра іншых асобаў з прозьвішчам Хадановіч.

Ігар Хадановіч
Асабістыя зьвесткі
Імя пры нараджэньні	Ігар Піліпавіч Хадановіч
Нарадзіўся	10 чэрвеня 1940 вёска Шпількі, Койданаўскі раён, Менская вобласьць, Беларуская ССР, СССР
Памёр	9 студзеня 1966 (25 гадоў) Менск, Беларуская ССР, СССР
Пахаваны	Усходнія могілкі
Літаратурная дзейнасьць
Род дзейнасьці	Журналіст
Гады творчасьці	1957—1966
Жанр	Апавяданьне, паэзія
Мова	Беларуская
Дэбют	Верш «Хлеб» (газэта «Чырвоная зьмена», 29 сьнежня 1957 г.)
Значныя творы	Апавяданьні «За акном дождж», «На досьвітку»

Біяграфія

У 1957 годзе паступіў на аддзяленьне журналістыкі філялягічнага факультэту БДУ. У 1962 годзе, пад канец вучобы, быў залічаны на працу ў рэдакцыю газэты «Чырвоная зьмена». З 1963 году працаваў у Менскім абкаме камсамолу, у 1964—1966 гг. — у газэце «Літаратура і Мастацтва». Трагічна загінуў у студзені 1966 году ад рукі бандыта на падставе моўнай нянавісьці^[1]. Пахаваны на Ўсходніх могілках Менску.

Творы

• Хлеб. [верш] // Чырвоная змена. 29 снежня 1957.
• За акном дождж. Апавяданні. Мінск. 1967.
• На досвітку. Апавяданні, нарысы, з запісных кніжак і пісьмаў. Мінск. 1986.
• Ігар Хадановіч. Чалавек з маёй біяграфіі / укл. Вацлаў Матусевіч. — Менск: Зьвязда, 2023. — 207 с. — 700 ас. — ISBN 978-985-575457-3

Літаратура

• Тарасава Т. М. Хадановіч Ігар. // Беларускія пісьменнікі. Біябібліяграфічны слоўнік у 6 тамах. Т. 6. Мінск. 1995. С. 157.
• Драздова З. У. Хадановіч Ігар. Бібліяграфія. // Беларускія пісьменнікі. Біябібліяграфічны слоўнік у 6 тамах. Т. 6. Мінск. 1995. С. 157—158.
• Памяць: Гіст.-дакум. хроніка Дзяржынскага р-на. — Мн.: БЕЛТА, 2004. — 704 с.: іл. ISBN 985-6302-64-1.