Ігнацы Скарупка

Ігнацы Ян Скарупка (па-польску: Ignacy Jan Skorupka; нар. 31 ліпеня 1893 году ў Варшаве^[2] — пам. 14 жніўня 1920 году ў Восаве^[3][4]) — польскі каталіцкі сьвятар, вайсковы капэлян.

Ігнацы Скарупка
па-польску: Ignacy Skorupka
Помнік ксяндза Скарупкі на варшаўскай Прадзе, ля катэдры й школы, дзе была сфармаваная вайсковая частка, да якой быў прымацаваны.
Дата нараджэньня	31 ліпеня 1893(1893-07-31)
Месца нараджэньня	Варшава
Дата сьмерці	14 жніўня 1920(1920-08-14) (27 гадоў)
Месца сьмерці	Восаў
Месца пахаваньня	Павонзкаўскія могілкі[d]
Месца вучобы	Імпэратарская рымска-каталіцкая духоўная акадэмія[d]
Занятак	капэлян, вайсковы капэлян, каталіцкі сьвятар
Навуковая сфэра	сьвятарства[d][1] і армія[1]
Узнагароды	Ордэн Белага арла Срэбны Крыж ордэна Віртуці Мілітары
Ігнацы Скарупка ў Вікісховішчы

Выпускнік Пецярбурскай сэмінарыі (1916), працаваў у Расеі. З 1918 году ў Польшчы. У ліпені 1920 году добраахвотнікам служыў у Войску Польскім у якасьці ваеннага капэляна. Удзельнічаў у бітве за Восаў^[5]. Загінуў у атацы на бальшавіцкія пазыцыі, калі ішоў супраць ворагаў з крыжам у высока паднятай руцэ^[4]. Пахаваны быў на варшаўскіх могілках Павонзкі.

Пасьмяротна узнагароджаны Срэбным Крыжам Ордэна Віртуці Мілітары (1920)^[4], а таксама Ордэнам Белага Арла (2010)^[6].

Яго асобу прыпамінаюць у якасьці прыкладу патрыёты й героя^[7], а таксама сымбаля Варшаўскай бітвы. Маляваны на шматлікіх карцінах, заўсёды з крыжам у паднесенай руцэ (Jerzy Kossak, «Cud nad Wisłą»; Wiktor Gutowski, «Ksiądz Ignacy Skorupka prowadzący do ataku pod Radzyminem», іншыя). У яго памяць паставілі таксама помнікі і скульптуры.