Ігнаці Завіша

Ігна́ці Заві́ша (каля 1690 — 16 жніўня 1738) — дзяржаўны і вайсковы дзяяч Вялікага Княства Літоўскага. Мечнік (з 1730) і падкаморы вялікі літоўскі (з 1734), маршалак надворны літоўскі (з 1736); генэрал-маёр літоўскай кавалерыі.

Ігнаці Завіша

Ігнаці Завіша. Невядомы мастак, 1732
Герб «Лебедзь»
Асабістыя зьвесткі
Нарадзіўся	каля 1690
Памёр	16 жніўня 1738
Род	Завішы
Бацькі	Крыштап Станіслаў Завіша Тэрэза з Тышкевічаў
Жонка	Марцыбэла з Агінскіх
Дзейнасьць	дыплямат, дзяржаўны дзяяч

Вікіпэдыя мае артыкулы пра іншых асобаў з прозьвішчам Завіша (неадназначнасьць).

Трымаў Менскае, Чачэрскае, Хаславіцкае, Сумілішкаўкае і Інтурскае староствы^[1]. Граф на Бакштах, Бярдычаве і Завішыне. Кавалер ордэна Белага арла (1734)^[2].

Біяграфія

Прадстаўнік шляхецкага роду Завішаў гербу «Лебедзь», сын Крыштапа Станіслава, ваяводы менскага, і Тэрэзы з Тышкевічаў.

Служыў у войску Вялікага Княства Літоўскага. У 1732 заснаваў базылянскі манастыр у Малых Лядах^[3], апекваўся ім^[4].

Ажаніўся ў 1727 з Марцыбэлай, дачкой ваяводы віленскага Казімера Дамініка Агінскага. Не пакінуў нашчадкаў^[5], а ягоныя маёнткі засталіся ў руках удавы^[6].