16 жніўня

16 жні́ўня — 228-ы дзень году (229-ы ў высакосным годзе) паводле Грыгарыянскага календару. Да канца году застаецца 137 дзён.

← жнівень →
Пн	Аў	Ср	Чц	Пт	Сб	Нд
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
2025 год Усе дні

Падзеі

• 963 — Нікіфар II Фока каранаваны імпэратарам Бізантыі
• 1513 — перамога ангельскага караля Генрыха VIII з хаўрусьнікамі над французамі пад Гінэгатам
• 1634 — Амсьціслаў атрымаў герб
• 1777 — перамога амэрыканцаў на чале з Джонам Старкам над брытанскімі і браўншвайскімі войскамі пад Валумсакам
• 1979 — абвешчаныя Амяльнянскі і Мацеевіцкі заказьнікі
• 2011 — заснавалі чыгуначнае прадпрыемства «Траінкос» у сэрбскім краі Косава і Мятохія

Нараджэньні

• 1832 — Вільгельм Вунт, нямецкі фізыёляг, псыхоляг, філёзаф і мовазнаўца
• 1874 — Аляксандар Уласаў, беларускі грамадзкі дзеяч, рэдактар-выдавец газэты «Наша Ніва», сэнатар у міжваеннай Польскай Рэспубліцы (1922—1928)
• 1878 — Дамінік Сямашка, беларускі й летувіскі грамадзка-палітычны дзеяч
• 1903 — Мікола Абрамчык, прэзыдэнт БНР
• 1905 — Мікалай Гусараў, кіраўнік ЦК КПБ з 1947 да 1950 году
• 1912 — Ёсіф Максіменя, савецкі жаўнер, Герой Савецкага Саюзу
• 1942 — Валянцін Сукала, 2-і старшыня Вярхоўнага суду Рэспублікі Беларусь (з 1997 году)
• 1954 — Джэймз Кэмэран, амэрыканскі кінарэжысэр
• 1972 — Алег Сьліжэўскі, 5-ы міністар юстыцыі Рэспублікі Беларусь (з 2011 году)
• 1977 — Хрысьціна Мендзялеева, беларуская англамоўная сьпявачка, былая вакалістка рок-гурту Hasta La Fillsta, рок-князёўна’97

Сьмерці

• 1358 — Альбэрт II, ґэрцаґ аўстрыйскі
• 1443 — Ашыкаґа Ёшыкацу, японскі шоґун
• 1919 — Аляксандар Ізвольскі, расейскі дзяржаўны дзеяч, дыплямат
• 1920 — Аляксей Шахматаў, расейскі філёляг і гісторык, пачынальнік гістарычнага вывучэньня расейскай мовы, старажытнарускага летапісаньня і літаратуры
• 1969 — Марк Бэрнэс, савецкі актор і выканаўца песень
• 1976 — Ян Станкевіч, беларускі мовазнаўца, гісторык, палітычны дзеяч
• 1977 — Элвіс Прэсьлі, амэрыканскі сьпявак, кароль рок-н-ролу
• 1990 — Язэп Семяжон, беларускі перакладнік і паэт
• 2003 — Ідзі Амін, прэзыдэнт Уганды у 1971—1979, заснавальнік аднаго з самых брутальных аўтарытарных рэжымаў у Афрыцы; генэрал, потым фэльдмаршал угандыйскага войска
• 2017 — Вера Глаголева, савецкая і расейская акторка тэатру і кіно
• 2018 — Арэта Франклін, амэрыканская сьпявачка ў стылях рытм-энд-блюз, соўл і госьпел

Сьвяты

• Дзень Незалежнасьці Кіпра (1960)

16 жніўня — сховішча мультымэдыйных матэрыялаў