Іньяцыё Абатэ

Іньяцыё Абатэ (па-італьянску: Ignazio Abate; нар. 12 лістапада 1986 году, Сант-Агата-дэ-Гоці, Італія) — італьянскі футбаліст, абаронца. У 2011—2015 гадох выступаў за нацыянальную зборную Італіі. Гуляў на пазыцыі правага абаронцы, сын былога футбаліста, брамніка, Бэньяміна Абатэ.

Іньяцыё Абатэ
Пэрсанальная інфармацыя
Нарадзіўся	12 лістапада 1986(1986-11-12)[1][2] (38 гадоў) Сант’Агата-дэ’-Гоці[d], Бэнэвэнта[d], Кампанія, Італія
Рост	180 см
Вага	73 кг
Пазыцыя	скрайні абаронца
Клюбы
Гады	Клюб	Гульні (галы)¹
2003—2004	Мілян	0 (0)
2004—2005	→ Напалі	29 (2)
2005—2006	→ П’ячэнца[d]	13 (0)
2006—2007	→ Модэна[d]	38 (1)
2007—2008	Эмпалі	24 (1)
2008—2009	Тарына	25 (1)
2009—2019	Мілян	243 (3)
Зборныя
2003—2004	Італія (да 18)[d]	3 (0)
2005	Італія (да 19)[d]	2 (1)
2005—2006	Італія (да 20)[d]	6 (0)
2006—2009	Італія (да 21)[d]	10 (1)
2011—2015	Італія	22 (1)
Трэнэрскія клюбы
2024—4	Тэрнана[d]

Кар’ера

Клюбная

Абатэ зьяўляецца выхаванцам «Міляну», але пачаў сваю кар’еру ў клюбе Сэрыі С1 «Напалі», у які быў аддадзены ў арэнду. Затым Абатэ зьмяніў некалькі камандаў, як то «Сампдорыя», у якой не правёў ні адной гульні, «П’ячэнца» й «Модэна». У 2007 годзе частку правоў на футбаліста выкупіў «Эмпалі», у якім, па ўмовах дамовы, Абатэ правёў сэзон.

23 ліпеня 2008 году Абатэ быў прададзены ў клюб «Тарына», за частку правоў на футбаліста (іншая частка засталася ў «Эмпалі») турынскі клюб заплаціў 2 млн эўра. 15 кастрычніка 2008 году Абатэ ў матчы супраць «Аталянты» атрымаў траўму шчыкалаткі, якая вывела яго з гульні на 2 месяцы. 7 сьнежня гулец вярнуўся на поле. У 2009 годзе вярнуўся ў «Мілан». У сэзоне 2009—2010 гадоў пад кіраўніцтвам Леанарда Абатэ, першапачаткова выходзіў на замену на месца правага паўабаронцы, аднак зь цягам часу зрушыўся ў абарону. У наступным сэзоне, з прыходам Масыміліяна Алегры, Абатэ замацаваўся ў якасьці асноўнага правага абаронцы «Міляну», згуляўшы ў 37 матчах^[3][4].

Міжнародная

Абатэ выступаў за моладзевыя зборныя Італіі зборныя ўсіх узростаў, удзельнічаў у Алімпіядзе ў Пэкіне. 11 лістапада 2011 году дэбютаваў за зборную Італіі ў госьцевым таварыскім матчы супраць зборнай Польшчы. Гульня скончылася зь лікам 2:0 на карысьць італьянцаў.

Дасягненьні

«Мілян»:

• Чэмпіён Італіі: 2011
• Уладальнік Супэркубка Італіі: 2011, 2016