Ўітні Г’юстан

Ўітні Элізабэт Г’юстан (па-ангельску: Whitney Elizabeth Houston; 9 жніўня 1963, Ньюарк, Нью-Джэрзі — 11 лютага 2012 году, Бэвэрлі Гілз, Каліфорнія) — амэрыканская поп-, соўл-і рытм-н-блюзавая сьпявачка, акторка, прадусар, былая фотамадэль. Адна з самых камэрцыйна пасьпяховых поп-выканаўцаў, вядомая сваімі музычнымі дасягненьнямі, вакальнымі здольнасьцямі й скандальным асабістым жыцьцём.

Ўітні Г’юстан
Whitney Houston
Дата нараджэньня	9 жніўня 1963
Месца нараджэньня	Ньюарк, Нью-Джэрзі
Дата сьмерці	11 лютага 2012 (48 гадоў)
Месца сьмерці	Бэвэрлі Гілз, Каліфорнія
Прычына сьмерці	утапленьне[d]
Месца пахаваньня	могілкі Фэйрв’ю[d]
Месца вучобы	Mount Saint Dominic Academy[d]
Прафэсія	сьпявачка, акторка, прадусар, фотамадэль
Жанры	поп, соўл, рытм-н-блюз
Вакал	сапрана
Інструмэнты	голас[d]
Лэйблы	Arista Records (1983—2011), RCA Records (2011—2012)
Бацька	John Houston Jr.[d][1]
Маці	Сісі Г’юстан[d]
Дзеці	Bobbi Kristina Brown[d]
Узнагароды	прайм-таймавая прэмія «Эмі»[d] Заля славы рок-н-ролу (2020) Billboard Millennium Award[d] Заля славы Нью-Джэрзі[d] (2013) NRJ Music Award de l'album international de l'année[d] (2000)
Сайт	whitneyhouston.com
Подпіс
Ўітні Г’юстан у Вікісховішчы

Статус суперзоркі замацаваўся за Г’юстан пасьля выхаду ў 1992 годзе на шырокія сусьветныя экраны фільму «Целаахоўнік», у якім яна згуляла адну з галоўных роляў (разам з Кевінам Костнэрам) і выканала асноўныя музычныя партыі. Баляда «Я заўсёды буду любіць цябе» (анг. «I Will Always Love You») з кінафільму стала сусьветным гітом. Ляўрэат 6 узнагародаў «Грэмі»^[2], 15 узнагародаў Billboard Music Awards, 21 узнагародаў American Music Award, 2 узнагароды «Эмі», 8 узнагародаў Soul Train Music Awards, 12 узнагародаў NAACP Image Awards, BET Lifetime Achievement Award і мноства іншых прэміяў і ўзнагародаў гуказапісвальнай індустрыі^[3].

Згодна з Кнігай рэкордаў Гінэса, Г’юстан зьяўляецца артысткай з самай вялікай колькасьцю ўзнагарод (анг. The Most Awarded Female Artist of All Time)^[4]. Згодна са сьцьвярджэньнямі ейнага рэкард-лэйбла, агульны аб’ём прададзеных запісаў складае 170 млн асобнікаў^[5][6]. Паводле вэрсіі Амэрыканскай асацыяцыі гуказапісвальных кампаніяў, Г’юстан зьяўляецца чацьвёртай сьпявачкай у сьпісе самых камэрцыйна пасьпяховых выканаўцаў у ЗША, сэртыфікаваны тыраж запісаў якой складае 55 млн адзінак у гэтай краіне^[7]. Часопіс «Rolling Stone» уключыў Г’юстан у сьпіс 100 найвялікшых выканаўцаў^[8].