Авэйру

Авэйру (па-партугальску: Aveiro [aˈvɐiɾu]) — аднайменны горад і муніцыпалітэт у Цэнтральным рэгіёне Партугаліі (субрэгіён Бэйшу Воўгу), з агульнай тэрыторыяй у 197,58 км². Насельніцтва муніцыпалітэту складае каля 78 450 чалавек, гораду — 60 000 (2011). Горад месьціцца на ўзьбярэжжы Атлянтычнага акіяну за 50 км на поўнач ад Куімбра, за 70 км на поўдзень ад Порту й за 220 км на поўнач ад Лісабону. Авэйру зьяўляецца другім паводле велічыні горадам пасьля Куімбры ў Цэнтральным рэгіёне, а таксама лічыцца партугальскай Вэнэцыяй. Апроч гэтага, Авэйру зьяўляецца важным урбаністычным, партовым, транспартным, адукацыйным і турыстычным цэнтрам.

Авэйру
парт. Aveiro
Герб Авэйру Сьцяг Авэйру
Першыя згадкі:	959
Горад і муніцыпалітэт з:	1515
Былыя назвы:	Aviarium, Alavarium et Salinas
Краіна:	Партугалія
Рэгіён:	Цэнтральны
Субрэгіён:	Бэйшу Воўгу
Плошча:	197,58 км²
Вышыня:	25 м н. у. м.
Унутраны падзел:	14 раёнаў
Насельніцтва (2011)
колькасьць:	78 450 чал.
шчыльнасьць:	397,05 чал./км²
Часавы пас:	UTC+0
летні час:	UTC+1
Тэлефонны код:	+351 234
Паштовы індэкс:	3800 Aveiro
Геаграфічныя каардынаты:	40°38′20″ пн. ш. 8°39′19″ з. д.
Авэйру на мапе Партугаліі Авэйру
Галерэя здымкаў у Вікісховішчы
http://www.cm-aveiro.pt/

Гісторыя

Упершыню горад узгадваецца ў 959 годзе пад лацінскай назвай Aviarium. Авэйру атрымаў статус гораду ў 1515 годзе.

Дэмаграфія

Насельніцтва муніцыпалітэту Авэйру (1801—2011)
1801	1849	1900	1930	1960	1981	1991	2001	2011
14 144	10 780	24 919	31 644	46 055	60 284	66 444	73 335	78 450

Гастранамія

Горад вядомы своеасаблівым дэсэртам овуш молеш (па-партугальску: Ovos moles), які робіцца зь яек і ўпершыню ўзгадваецца ў XIX ст.

Транспарт

Асноўныя віды транспарту гораду — чыгунка й аўтобусы. Чыгуначны вакзал Авэйру адносіцца да паўночнай лініі партугальскай чыгункі, у гадзіне язды ад Порту й дзьвюх гадзінах ад Лісабону. Таксама зьяўляецца важным транспартным вузлом для міжрэгіянальных, рэгіянальных і прыгарадных цягнікоў. У горадзе арганізаваная сыстэма бясплатных ровараў BUGA (па-партугальску: Bicicleta de Utilização Gratuita de Aveiro). Асноўныя аўтамагістралі, якія праходзяць праз горад, — А25 і А17. Немалаважнае значэньне мае марскі порт Авэйру (па-партугальску: Porto de Aveiro).

Турызм

Горад прыцягвае турыстаў сваімі каналамі й тыповымі лодкамі падобнымі да вэнэцыянскіх гандолаў, якія называюцца Малісэйру (па-партугальску: Moliceiro). Адна з найбольш значных славутасьцяў Авэйру — езуіцкі манастыр XV ст., у якім была пахаваная дачка караля Афонсу V Жуанна, які памярла ў 1490 годзе й была прылічаная да ліку сьвятых у 1673 годзе.

Побач з гарадзкой катэдрай месьціцца музэй Авэйру, у якім захоўваюцца й экспануюцца карціны, скульптуры, а таксама прадмэты царкоўнага жыцьця гораду й рэгіёну. Унутры музэю была адноўлена старая царква.

Апроч гэтага, сярод выбітных месцаў Авэйру вылучаюцца:

• Рыбная плошча (па-партугальску: Praça do Peixe)
• Гарадзкі сад (па-партугальску: Jardim Inf. D. Pedro e Coreto)
• Дом Сьв. Зіты (па-партугальску: Casa de Santa Zita)
• Дамы ў стылі Ар нуво
• Старая чыгуначная станцыя (па-партугальску: Estação de comboios)
• Тэатар Авэйру (па-партугальску: Teatro Aveirense)
• Былая керамічная фабрыка (па-партугальску: Antiga Fábrica Jeronymo Pereira Campos)
• Экамузэй вытворчасьці солі (па-партугальску: Ecomuseu da Troncalhada)

Гарады-сябры

• Візэу, Партугалія
• Форлі, Італія
• Махдыя, Туніс
• Панью, Кітай
• Фарым, Гвінэя-Бісаў

Вонкавыя спасылкі

• Афіцыйны сайт муніцыпалітэту