Эрштэрмай

Эрштэрма́й^[1] (з 5 жніўня 1968^[2] году — Адраджэ́ньне^[1]) — вёска ў Жлобінскім раёне Гомельскай вобласьці Беларусі. Уваходзіць у склад Папаратнянскага сельсавету. Насельніцтва 156 чал. (2004). Знаходзіцца за 20 км на поўдзень ад места Жлобін, за 10 км ад чыгуначнай станцыі Мормаль (лінія Жлобін — Каленкавічы), за 88 км ад Гомелю.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Адраджэньне (неадназначнасьць).

Эрштэрмай
Першыя згадкі:	1920-я
Вобласьць:	Гомельская
Раён:	Жлобінскі
Сельсавет:	Папаратнянскі
Насельніцтва:	156 чал. (2004)
Часавы пас:	UTC+3
Геаграфічныя каардынаты:	52°44′47.2″ пн. ш. 30°1′49.9″ у. д.
Эрштэрмай на мапе Беларусі Эрштэрмай

На поўначы Стрэшынскі канал, злучаны з ракой Стрэшынка (прыток ракі Дняпро).

Гісторыя

Выяўлены археолягамі курганны магільнік XI стагодзьдзя (36 насыпаў; за 0,8 км на паўночны ўсход ад вёскі) сьведчыць пра засяленьне гэтых месцаў з даўніх часоў. Сучасная вёска заснаваная ў пачатку 1920-х перасяленцамі з суседніх вёсак на былых абшарніцкіх землях. У 1931 годзе арганізаваны калгас. У часе нямецка-савецкай вайны з пачатку 1942 году дзейнічала падпольная група (кіраўнік П. Б. Кіраў). Нямецкія карнікі спалілі 40 двароў, забілі 30 жыхароў. У чэрвені 1944 году ў баях за вёску загінулі 315 савецкіх салдатаў (пахаваныя ў брацкай магіле па вул. Завадзкі). На франтах і ў партызанскай барацьбе загінулі 46 жыхароў, у памяць пра загінулых у 1967 годзе ў цэнтры вёскі ўсталяваная скульптурная кампазыцыя. 29 лістапада 1962 году пасёлак Адраджэньне быў далучаны да вёскі Эрштэрмай, а 5 жніўня 1968 году гэтая вёска атрымала сучаснае найменьне. У складзе калгасу «Іскра» (цэнтар — вёска Папаратнае). Знаходзяцца Стрэшынскі крухмальны ўчастак Краснабярэскага крухмальна-паточнага заводу, фэльчарска-акушэрскі пункт і клюб.

Насельніцтва

• XX стагодзьдзе: 1925 — 17 двароў; 1940 — 80 двароў, 353 жыхары;
• XXI стагодзьдзе: 2004 — 81 гаспадарка, 156 жыхароў^[3]