Акалоўскі сельсавет

Акало́ўскі сельсавет — адміністрацыйна-тэрытарыяльная адзінка ў складзе Лагойскага раёну Менскай вобласьці. Адміністрацыйны цэнтар — вёска Акалова.

Акалоўскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Акалова
Дата ўтварэньня	20 жніўня 1924
Насельніцтва	▼1051 чал. (2019)
Плошча	159,13 км²
Мэдыя-зьвесткі
Часавы пас	UTC+03:00
Паштовыя індэксы	223141
Дадатковыя мультымэдыйныя матэрыялы

Гісторыя

20 жніўня 1924 году створаны ў складзе Плешчаніцкага раёну Барысаўскай акругі. 24 верасьня 1926 году рэарганізаваны ў Акалоўскі нацыянальны польскі сельсавет. З 9 чэрвеня 1927 году ў складзе Менскай акругі. Пасьля скасаваньня акруговага падзелу 26 ліпеня 1930 году ў Плешчаніцкім раёне БССР. 26 траўня 1935 году рэарганізаваны ў беларускі сельсавет. З 20 лютага 1938 году ў складзе Менскай вобласьці.

25 сьнежня 1962 году раён скасаваны, сельсавет далучаны да Лагойскага раёну. 30 студзеня 1976 году да сельсавету далучана частка скасаванага Прусавіцкага сельсавету (15 вёсак: Востраў, Глебаўшчына, Губа, Далькавічы, Жыдаўка, Забалоцьце, Капатніца, Крутая Гара, Падчарніца, Прусавічы, Раўнядзь, Рубеж, Станавішча, Тарасіно і Чарніца)^[1].

Насельніцтва сельсавету паводле перапісу 2009 году — 1206 чалавек^[2], зь іх 95,1% — беларусы, 3,9% — расейцы, 0,6% — украінцы^[3].