Плешчаніцкі раён

Пле́шчаніцкі раён — адміністрацыйна-тэрытарыяльная адзінка ў БССР у 1924—1962 г. Плошча раёну складала 1,1 тыс. км². Насельніцтва на 1959 год — 28 150 чалавек. Адміністрацыйны цэнтар — мястэчка (з 27 верасьня 1938 году — гарадзкі пасёлак) Плешчаніцы.

Плешчаніцкі раён
Агульныя зьвесткі
Краіна	БССР
Статус	раён СССР[d] і былая адміністрацыйна-тэрытарыяльная адзінка[d]
Уваходзіць у	Менская вобласьць
Адміністрацыйны цэнтар	Плешчаніцы
Дата ўтварэньня	17 ліпеня 1924
Дата скасаваньня	25 сьнежня 1962
Насельніцтва	28 150 чал. (1959)
Плошча	1147 км²
Вышыня па-над узр. м.  · сярэдняя вышыня	190 м[1]
Дадатковыя мультымэдыйныя матэрыялы

Гісторыя

Плешчаніцкі раён утвораны 17 ліпеня 1924 г. ў складзе Барысаўскай акругі БССР. 20 жніўня 1924 г. раён падзелены на 11 сельсаветаў: Акалоўскі, Амнішаўскі, Горненскі, Завішынскі, Запольскі, Зарэцкі, Ізьбішчанскі, Крайскі, Плешчаніцкі, Прусавіцкі, Хатаевіцкі.

24 верасьня 1926 году Акалоўскі й Амнішаўскі сельсаветы рэарганізаваны ў нацыянальныя польскія сельсаветы.

У 1926 годзе плошча раёна складала 1147 км², насельніцтва — 31,2 тыс. чал.

9 чэрвеня 1927 году раён зь ліквідацыяй Барысаўскай акругі быў перададзены ў Менскую акругу. 22 верасьня 1927 году да раёна далучаны Ганцавіцкі й Каменскі сельсаветы скасаванага Зэмбінскага раёна.

Пасьля скасаваньня акруговага падзелу 26 ліпеня 1930 году раён у прамым падпарадкаваньні БССР.

26 мая 1935 году Акалоўскі й Амнішаўскі нацыянальныя польскія сельсаветы рэарганізаваны ў беларускія сельсаветы.

Пры ўвядзеньні абласнога дзяленьня 20 лютага 1938 году ўключаны ў Менскую вобласьць. 27 верасьня 1938 году Плешчаніцы атрымалі статус гарадзкога пасёлка.

У 1939 годзе Хатаевіцкі сельсавет перайменаваны ў Акцябарскі.

Паводле перапісу 1939 году, у раёне пражывала 36 168 чалавек: зь іх 32 698 — беларусы, 1400 — расейцы, 1106 — габрэі, 484 — украінцы, 322 — палякі^[2].

Па зьвестках на 1 студзеня 1947 г. раён меў плошчу 1,3 тыс. км². У склад уваходзіў гарадзкі пасёлак Плешчаніцы й 13 сельсаветаў.

16 ліпеня 1954 году скасаваны Амнішаўскі, Ганцавіцкі, Горнаўскі, Завішынскі, Запольскі сельсаветы, утвораны Задор’еўскі й Нястанавіцкі сельсаветы^[3].

Па зьвестках перапісу 1959 году, у раёне пражывала 28 150 чалавек^[4].

25 сьнежня 1962 году Плешчаніцкі раён быў скасаваны, яго тэрыторыя далучана да Лагойскага раёну.