Акругі Ізраілю

Тэрыторыя Ізраілю адміністрацыйна падзелена на 7 акругаў (па-габрэйску: מחוז‎ махоз), 15 падакругаў (па-габрэйску: נפה‎ нафа́) і 50 прыродных зонаў^[1].

Акругі Ізраілю:
(1) Паўночная, (2) Хайфская, (3) Цэнтральная, (4) Тэль-Авіўская, (5) Ерусалімская, (6) Паўднёвая
Акупаваныя тэрыторыі:
(A)  Галянскія вышыні, (B)  Юдэя і Самарыя і Палестынская аўтаномія
Тэрыторыя, пакінутая Ізраілем:
(C)  Сэктар Газа

У сваю чаргу, зь сямі акругаў выдзяляюцца тры муніцыпальныя раёны: Ерусалімская, Тэль-Авіўская і Хайфская акругі — і чатыры гісторыка-геаграфічныя вобласьці: Паўночная, Паўднёвая, Цэнтральная, Юдэя і Самарыя.

Акруга Юдэя і Самарыя (Заходні бераг ракі Ярдан) знаходзіцца пад кантролем Цэнтральнай ваеннай акругі Арміі абароны Ізраілю ад часоў Шасьцідзённай вайны 1967 году, але яна афіцыйна непрызнаная ААН часьцінаю ізраільськай тэрыторыі^[2]. Зрэшты, такі ж спрэчны статус мае і падакруга Галян, у межах якой знаходзяцца Галянскія вышыні^[3]. Сэктар Газа знаходзіўся пад ваенным кантролем Ізраілю з 1967 па 2005 год.

Акругі

Нумар	Акруга	Адміністрацыйны цэнтар	Падакругі	Плошча (км²)[4]	Колькасьць насельніцтва (тыс. чал.)[5]
1	Ерусалімская	Ерусалім	Супадае з тэрыторыяй акругі	653	968.8
2	Паўночная	Назарэт	Цфат, Кінэрэт, Ізрээль, Ака, Галян[6]	4473	1304.6
3	Хайфская	Хайфа	Хадэра, Хайфа	866	926.7
4	Цэнтральная	Рамла	Шарон, Пэтах-Тыква, Рамла, Рэхавот	1294	1894.4
5	Тэль-Авіўская	Тэль-Авіў	Супадае з тэрыторыяй акругі	172	1295.0
6	Паўднёвая	Бээр-Шэва	Ашкелён, Бээр-Шэва	14185	1121.6
	Юдэя і Самарыя[6]	Афіцыйна няма. Найбуйнейшы горад — Мадыін-Іліт	Бэтлеем, Хеброн, Джанін, Рамала, Ярдан, Шхем (Наблус), Тулькарм[7]	5879[8]	325.5[9]