Акцябарскі (Башкартастан)

Акцябрскі (па-расейску: Октябрьский) — горад (з 1946) у Расеі, у складзе Башкартастану. Насельніцтва 107,7 тыс. чал. (2005). Заснаваны ў 1946 годзе. Горад разьмешчаны на мяжы з Татарстанам, на рацэ Ік, каля фэдэральнай трасы аўтамагістраль М5 (Масква—Чалябінск), за 188 км ад Уфы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Акцябарскі.

Акцябарскі
рас. па-расейску: Октябрьский
Герб Акцябарску Сьцяг Акцябарску
Дата заснаваньня:	1946
Краіна:	Расея
Суб’ект фэдэрацыі:	Башкартастан
Кіраўнік:	Q28500945?
Плошча:	125,83 км²
Вышыня:	140 м н. у. м.
Насельніцтва
колькасьць:	115 557 чал. (2021)
шчыльнасьць:
Часавы пас:	UTC+5
Тэлефонны код:	34767
Паштовы індэкс:	452600–452616
Нумарны знак:	02, 102
Геаграфічныя каардынаты:	54°29′0″ пн. ш. 53°29′0″ у. д.
Акцябарскі на мапе Расеі Акцябарскі
Галерэя здымкаў у Вікісховішчы
http://oktadm.ru/

Горад Акцябрскі — буйны індустрыяльны цэнтар. У структуры прамысловай вытворчасьці на долю прадпрыемстваў машынабудаваньня прыходзіцца 43%, паліўнай прамысловасьці — 32%. Прадпрыемствы гораду выпускаюць нафтапрамысловае і аўтатранспартнае абсталяваньне, нізкавольтную апаратуру, будаўнічыя канструкцыі і матэрыялы, вахтавыя і жылыя комплексы, аўтамабільныя прылады, абутак, швейныя і парцалянавыя вырабы.

Асноўныя прадпрыемствы: Нафтагазаздабываючае ўпраўленьне ПАТ АНК «Башнафта», упраўленьне «Башнафтагазпрам», ААТ АК «ОЗНА», АТ АК «АПРИ», АТ «Нізкавольтнік», АТ «Нафтамаш». Аўтамабільная прамысловасьць у горадзе прадстаўленая АТ АК «АПРИ», якая спэцыялізуецца на выпуску аўтамабільных прыбораў практычна для ўсіх аўтамабільных, трактарабудаўнічых і камбайнавых заводаў Расеі. Прадукцыя АТ «Нізкавольтнік» — ад нізкавольтных камплектных прылад і шчытоў кіраваньня да складанай электраапаратуры — пастаўлялася больш 30 краін сьвету. У горадзе створаная магутная будаўнічая база, прадстаўленая заводамі АТ «Блокжылкамплект», «Жалезабетонных канструкцый», «Будаўнічых матэрыялаў», «Буйнапанэльнага домабудаваньня» і будаўніча-мантажнымі прадпрыемствамі, прыярытэтнымі накірункамі якіх зьяўляецца прамысловае і жыльлёвае будаўніцтва, будаўніцтва нафта- і газаправодаў.

У вытворчым патэнцыяле горада прыкметнае месца займае акцыянэрная кампанія «ОЗНА», асноўнай прадукцыяй якой зьяўляецца аўтаматызаваныя тэхналягічныя ўстаноўкі «Спадарожнік», запасныя часткі да сьвідравальнага абсталяваньня, электравадагрэйныя катлы, розныя прыборы.

Дзейнічае Навукова-дасьледчы інстытут геафізычных дасьледаваньняў сьвідравін, праводзіць дасьледаваньні і распрацоўкі ў галіне геафізычных дасьледаваньняў сьвідравін на ўсіх этапах іх будаўніцтва і засваеньня.