Алан Дзагоеў

Алан Дзагоеў (па-расейску: Алан Дзагоев, па-асэтынску: Алан Зæгъойты; нар. 17 чэрвеня 1990 году, Бяслан, СССР) — колішні расейскі футбаліст асэтынскага паходжаньня, паўабаронца нацыянальнай зборнай Расеі.

Алан Дзагоеў
Пэрсанальная інфармацыя
Нарадзіўся	17 чэрвеня 1990(1990-06-17)[1] (35 гадоў) Бяслан, Паўночна-Асэтынская Аўтаномная Савецкая Сацыялістычная Рэспубліка[d], РСФСР, СССР
Рост	179 см
Вага	70 кг
Пазыцыя	паўабаронца
Клюбы
Гады	Клюб	Гульні (галы)¹
2006—2007	Крылы Саветаў	39 (7)
2008—2022	ЦСКА Масква	282 (55)
2022—2023	Рубін Казань	20 (3)
2023	Лямія	2 (0)
Зборныя
2008—2018	Расея	59 (9)
2009—2013	Расея (да 21)[d]	3 (1)

Кар’ера

Клюбная

Алан Дзагоеў зь дзяцінства цікавіўся футболам, ён «выходзіў на палянку каля дома й ганяў мяч»^[2].

У сярэдзіне лістапада 2007 году Дзагоеў перайшоў у маскоўскі ЦСКА. За ЦСКА дэбютаваў 27 студзеня 2008 году ў рамках розыгрышу Кубка Першага канала ў матчы супраць данецкага «Шахтару», выйшаўшы на замену на 78 хвіліне гульні^[3]. 26 красавіка 2008 году дэбютаваў у складзе армейцаў у выязным матчы 7-га тура супраць клюбу «Луч-Энэргія». 11 траўня таго ж году ў сваім першым матчы ў асноўным складзе армейскага клюбу ў хатнім паядынку 10-га тура з «Хімкамі» Алан забіў свой ​​першы гол і аддаў 2 галявыя перадачы. Стаў адным з 16 футбалістаў, каму атрымалася забіць у 17 гадоў у вышэйшай лізе чэмпіянату Расеі. Яму было на той момант 17 гадоў 329 дзён.

Міжнародная

29 верасьня 2008 году Алан Дзагоеў атрымаў першы выклік у нацыянальную зборную^[4].

Дасягненьні

ЦСКА:

• Чэмпіён Расеі: 2013, 2014, 2016
• Уладальнік Кубка Расеі: 2008, 2009, 2011, 2013
• Уладальнік Супэркубка Расеі: 2009, 2013, 2018