Алелькавічы

Алелькавічы, Алелькі, Слуцкія — княскі род гербу Пагоня, галіна Гедзімінавічаў.

Алелькавічы лац. Alelkavičy
Герб Пагоня Літоўская
Краіна паходжаньня	Вялікае Княства Літоўскае
Першы з роду	Алелька Ўладзімеравіч
Апошні з роду	Соф’я Слуцкая
Адгалінаваньне роду	Гедзімінавічы

Алелькавічы некалькі разоў прэтэндавалі на сталец Вялікага Княства Літоўскага^[1], падтрымлівалі Канстантынопальскую праваслаўную царкву^[2].

Гісторыя

Нашчадкі Ўладзімера Альгердавіча, князя кіеўскага, які па скасаваньні ў 1390-я гады вялікім князем Вітаўтам многіх удзелаў, атрымаў Слуцкае княства.

Па сьмерці Ўладзімера Альгердавіча Слуцкае княства стала вотчынай нашчадкаў яго старэйшага сына Алелькі Ўладзімеравіча. Алелька, а потым яго сыны разглядаліся як законныя прэтэндэнты на вялікакняскі сталец, вакол іх гуртавалася антыягелонская апазыцыя ў Вялікім Княстве. Алелька, апроч Слуцку, некаторы час валодаў Лагойскам, а ў 1440 годзе атрымаў Кіеўскае княства (вотчыну свайго бацькі), якое перадаў старэйшаму сыну Сямёну Алелькавічу. Сын апошняга Васіль Сямёнавіч ужо не атрымаў Кіеў (яму было нададзенае Пінскае княства).

Міхал Алелькавіч і яго нашчадкі, князі слуцкія, карысталіся статусам удзельных князёў і чальцоў Паноў-Рады да 1569 году. Пазьней, да згасаньня роду ў 1592 годзе, Алелькавічы-Слуцкія былі аднымі з найбагацейшых магнатаў. Неаднаразова рабілі наданьні цэрквам Слуцку й Кіева-Пячэрскай лаўры^[1]. Апошняе пакаленьне Алелькавічаў (Ян Сямён, Аляксандар і Юры) прыняла каталіцтва^[3].

Згасаньне роду, імаверна, адбылося з прычыны спадчыннай хваробы^[4].

Радавод

Алелькавічы: Юры ІІІ (1559—1586), Аляксандар (? — 1591), Алелька (1411—1454), Ян Сямён (? — 1592)

Уладзімер

1. Алелька (? — 1455)
   1. Міхал (каля 1425^[2] — 1481)
      1. Сямён II (каля 1460^[2] — 1505)
         1. Юры I (1492—1542)
            1. Юры II (1531—1578)
               1. Юры III (1559—1586)
                  1. Соф’я (1585—1617)
               2. Аляксандар (? — 1591)
               3. Ян Сямён (? — 1592)^[1]
            2. Сямён III (? — 1560)
   2. Сямён I (1420^[2]—1470)
      1. Васіль (каля 1425^[2] — 1495)
      2. Соф’я
      3. Аляксандра
2. Іван Бельскі
3. Андрэй
   1. Глеб
   2. Еўдакія

Галерэя

• Іканаграфія роду Алелькавічаў-Слуцкіх
• 
  Алелька Ўладзімеравіч
• 
  Кацярына Алелькавіч (з Тэнчынскіх)
• 
  Юры III Алелькавіч
• 
  Соф’я Радзівіл (з Алелькавічаў)