Алесь Анціпенка

Алесь (Аляксандар) Ільліч^[2] Анціпенка (нарадзіўся ў 1953 годзе ў Слаўгарадзе, Магілёўская вобласьць) — беларускі філёзаф і мэдыааналітык. Кандыдат філязофскіх навук.

Алесь Анціпенка
Род дзейнасьці	філёзаф, мэдыааналітык
Дата нараджэньня	1953
Месца нараджэньня	Слаўгарад, Магілёўская вобласьць, БССР, СССР
Месца вучобы	Менскі дзяржаўны лінгвістычны ўнівэрсытэт
Занятак	пісьменьнік, філёзаф, журналіст
Навуковая сфэра	літаратура[1] і філязофія[1]
Месца працы	Інстытут філязофіі Беларускі калегіюм
Сябра ў	Беларускі ПЭН-цэнтар і Беларуская асацыяцыя журналістаў

Біяграфія

У 1975 годзе скончыў Менскі дзяржаўны лінгвістычны ўнівэрсытэт, у 1982 годзе — асьпірантуру Інстытуту філязофіі і права НАН Беларусі. У 1986 годзе абараніў дысэртацыю на тэму «Сацыякультурны і нарматыўна-экалягічны аспэкты дасьледаваньня ўзаемадачыненьняў чалавека і прыроды». Працаваў у названым інстытуце, Нацыянальным цэнтры імя Ф. Скарыны, Беларускім фондзе Сораса. Аўтар шматлікіх публікацыяў у Беларусі і па-за яе межамі.

Былы кіраўнік «Беларускага Калегіюму», сябра БАЖ, сузаснавальнік і сябра Рады Беларускага інстытуту стратэгічных дасьледаваньняў.

Бібліяграфія

• Алесь Анціпенка. Маргіналы і маргінальная сьвядомасьць// Часопіс «Фрагмэнты». №4 (вясна) 1998 г.
• Алесь Анціпенка. «Культура» ў Менску// Часопіс «Фрагмэнты». №5 (лета) 1998 г.
• Алесь Анціпенка. Парыская «культура» — праект культурніцкага супраціву таталітарызму й камунізму ў цэнтральнай і ўсходняй Эўропе// Часопіс «Фрагмэнты». №5 (лета) 1998 г.
• Алесь Анціпенка. Радыкалізм мысьленьня, унівэрсалізм і ўніфікацыя культураў// Часопіс «Фрагмэнты». №6 (лета) 1999 г.
• Анціпенка Алесь, Спрынчан Аксана. Дарога і Шлях: SMS-п’есКА. Менск: Галіяфы, 2009. — 82 с — (Другі фронт мастацтваў). ISBN 978-985-6906-16-2
• Алесь Анціпенка Быць (пры) сутным. "Бібліятэка "Беларускі калегіюм". Вільня, 2012. -- 114 с.
• Анціпенка, А. Прыпадобніўшыся да насарога. — Мінск : Кнігазбор, 2018. — 168 с. ISBN 978-985-7207-06-0.