Аляксандар Кучынскі

Алякса́ндар Кучы́нскі (нар. 15 ліпеня 1996 году) — беларускі футбаліст, абаронца бабруйскай «Белшыны».

Аляксандар Кучынскі
Пэрсанальная інфармацыя
Нарадзіўся	15 ліпеня 1996(1996-07-15)[1] (29 гадоў) Плешчаніцы, Лагойскі раён, Менская вобласьць, Беларусь[2]
Пазыцыя	абаронца
Клюбная інфармацыя
Клюб	Белшына
Нумар	3
Клюбы
Гады	Клюб	Гульні (галы)¹
2015—2017	Дынама Менск	0 (0)
2015	→ Бяроза-2010	1 (0)
2018—2020	Ашмяны-БДУФК	64 (6)
2021—2023	Лякаматыў Гомель	75 (7)
2024	Нафтан	25 (0)
2025—4	Белшына	7 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 чэрвеня 2025.

Кар’ера

Выхаванец футбольнай акадэміі менскага «Дынама». У 2013 годзе пачаў абараняць колеры клюбу ў дублюючым складзе. У жніўні 2015 году на правах арэнды далучыўся да першалігай «Бярозы-2010». Цягам сэзону заставаўся на лаве запасных, згуляўшы толькі ў адзіным матчы 15 лістапада супраць «Воршы», зьявіўшыся на пляцоўцы на 87-й хвіліне. Па заканчэньні сэзону 2015 году пакінуў бярозаўскі клюб, а таксама і «Дынама».

Пасьля двух гадоў адсутнасьці ў прафэсійным футболе прыяднаўся ў 2018 годзе да «Ашмянаў»-БДУФК, правёўшы ў камандзе некалькі гадоў. У сэзоне 2020 году спаборнічаў з клюбам у Першай лізе, дзе быў адным з ключавых футбалістаў каманды. Па заканчэньні сэзону ашмянскі клюб быў расфармаваны, а гулец тым часам у красавіку 2021 году далучыўся да гомельскага «Лякаматыва». Дэбютаваў у складзе клюбу 18 красавіка ў матчы супраць «Крумкачоў», а ў наступным матчы адзначыўся голам у браму койданаўскага «Арсэналу». Кучынскі быў адным з ключавых футбалістаў каманды. У складзе «Лякаматыва» стала зьяўляўся на полі ў першай адзінаццатцы і на наступны сэзон. У сьнежні 2022 году склаў новы кантракт з клюбам^[3], але ў студзені праходзіў прагляд у «Іслачы»^[4], аднак няўдала. У выніку абаронца застаўся ў гомельскім клюбе, дзе прыцягваў быць асноўным абаронцам каманды. У сьнежні пакінуў клюб^[5].

У студзені 2024 году выправіўся на прагляд у мазырскую «Славію»^[6], але ў выніку прыяднаўся да наваполацкага «Нафтану»^[7]. Запачаткаваў выступы ў Найвышэйшай лізе 16 сакавіка 2024 году ў 1-м туры айчыннага першынства ў гасьцявым матчы супраць гарадзенскага «Нёману», зьявіўшыся на полі ў стартавым складзе. Цягам усяго сэзону стала зьяўляўся ў першым складзе каманды. У пачатку 2025 году прыяднаўся да «Маладэчна-2018»^[8], аднак яшчэ да заканчэньня сакавіка зьмяніў гэты клюб на першалігавую «Белшыну»^[9].