Аляксандар Турчынаў

Алякса́ндар Валянці́навіч Турчы́наў (па-ўкраінску: Олександр Валентинович Турчинов; нарадзіўся 31 сакавіка 1964 году, Днепрапятроўск, УССР) — украінскі палітычны і дзяржаўны дзяяч, сьпікер Вярхоўнай Рады Ўкраіны (з 22 лютага да 27 лістапада 2014) і выканаўца абавязкаў прэзыдэнта Ўкраіны (ад 23 лютага да 7 чэрвеня 2014 году)^[2]. Доктар эканамічных навук, прафэсар.

Аляксандар Турчынаў лац. Alaksandar Turčynaŭ
па-ўкраінску: Олександр Валентинович Турчинов па-ўкраінску: Олександр Турчинов
в.а. прэзыдэнта Ўкраіны
23 лютага 2014 — 7 чэрвеня 2014
Прэм’ер-міністар	Сяргей Арбузаў, Арсень Яцанюк
Папярэднік	Віктар Януковіч
Наступнік	Пятро Парашэнка
11-ы Старшыня Вярхоўнай Рады Ўкраіны
22 лютага 2014 — 27 лістапада 2014
Прэм’ер-міністар	Сяргей Арбузаў, Арсень Яцанюк
Папярэднік	Уладзімер Рыбак
18-ы першы віцэ-прэм’ер Украіны
18 сьнежня 2007 — 11 сакавіка 2010
Прэзыдэнт	Віктар Юшчанка Віктар Януковіч
Прэм’ер-міністар	Юлія Цімашэнка
Папярэднік	Мікалай Азараў
Наступнік	Андрэй Клюеў
7-ы Старшыня Службы бясьпекі Ўкраіны
4 лютага — 8 верасьня 2005
Прэм’ер-міністар	Юлія Цімашэнка
Папярэднік	Ігар Сьмяшко
Наступнік	Ігар Дрыжчаны
11-ы сакратар Рады нацыянальнай бясьпекі і абароны Ўкраіны
16 сьнежня 2014 — цяперашні час
Прэзыдэнт	Пятро Парашэнка
Прэм’ер-міністар	Арсень Яцанюк
Папярэднік	Андрэй Парубій
Асабістыя зьвесткі
Нарадзіўся	31 сакавіка 1964(1964-03-31)[1] (61 год) Днепрапятроўск, УССР
Партыя	Бацькаўшчына (1999—2014), Народны фронт (з 2014 году)
Адукацыя	Днепрапятроўскі мэталюргічны інстытут
Сужэнец	Ганна Ўладзімераўна
Дзеці	Кірыл
Бацька	Валянцін Іванавіч
Маці	Валянціна Іванаўна
Узнагароды
Подпіс
Сайт	turchynov.com (укр.)

Дэпутат Вярхоўнай рады Ўкраіны з 1998 па 2007 рокі. Першы намесьнік кіраўніка партыі «Бацькаўшчына», кіраўнік Цэнтральнага штабу БЮЦ.

Зь лютага па верасень 2005 быў кіраўніком Службы бясьпекі Ўкраіны. З траўня па лістапад 2007 быў першым намесьнікам сакратара Савету нацыянальнай бясьпекі і абароны Ўкраіны. Са сьнежня 2007 па сакавік 2010 быў першым віцэ-прэм’ер-міністрам Украіны.

22 лютага 2014 року пасьля адстаўкі Ўладзімера Рыбака абраны старшынём Вярхоўнай Рады Ўкраіны. З 23 лютага 2014 зьяўляўся таксама выканаўцам абавязкаў прэзыдэнта Ўкраіны. З 26 лютага — галоўнакамандуючы ўзброенымі сіламі Ўкраіны. 7 чэрвеня 2014 року перадаў свае паўнамоцтвы новаабранаму прэзыдэнту краіны Пятру Парашэнку.

У жніўні 2014 году пакінуў палітычную раду партыі «Бацькаўшчына». 10 верасьня Турчынаў узначаліў перадвыбарчы штаб новаўтворанай партыі «Народны фронт».

З 16 сьнежня 2014 году — старшыня Рады нацыянальнай бясьпекі і абароны Ўкраіны.