Анатоль Лапо

Анатоль Пятровіч Лапо (нар. 24 траўня 1963, в. Кулакоўка, Бялыніцкі раён Магілёўскай вобласьці) — савецкі і беларускі вайсковец, памежнік.

Анатоль Лапо лац. Anatol Łapo
старшыня Дзяржаўнага пагранічнага камітэта Беларусі
29 сьнежня 2016 — цяперашні час
Прэзыдэнт	Аляксандр Лукашэнка
Прэм’ер-міністар	Андрэй Кабякоў Сяргей Румас Раман Галоўчанка
Папярэднік	Леанід Мальцаў
Асабістыя зьвесткі
Нарадзіўся	24 траўня 1963 г. Бялыніцкі раён Магілёўскай вобласьці
Адукацыя	Галіцынскі пагранічны інстытут[d] (1986) Акадэмія Фэдэральнай службы бясьпекі Расеі[d] (2001)
Узнагароды

Старшыня Дзяржаўнага пагранічнага камітэта Беларусі (2016—2023). Кавалер ордэна «За службу Радзіме» II ступені (7 сакавіка 2023 г.)^[1].

Біяграфія

У 1986 годзе скончыў Галіцынскае Вышэйшае пагранічнае ваенна-палітычнае вучылішча КДБ СССР імя Варашылава (Галіцына, Расея), у 2001 годзе — Акадэмію ФСБ Расійскай Фэдэрацыі.

У 1981—1992 гадах праходзіў службу Закаўказскай пагранічнай акрузе КДБ СССР на розных пасадах: ад радавога тэрміновай службы, намесьніка начальніка пагранічнай заставы, начальніка пагранічнай заставы да намесьніка каманданта — начальніка штаба пагранкамандатуры ў Батумскім пагранатрадзе.

У 1992—2008 праходзіў службу ў Смаргонскім пагранічным атрадзе (Беларусь), пачынаў начальнікам пагранкамандатуры «Астравец», з 2004 году займаў пасаду камандзіра пагранічнага атрада.^[2].

У 2008 годзе прызначаны на пасаду намесьніка начальніка галоўнага апэратыўнага ўпраўленьня Дзяржаўнага пагранічнага камітэту Беларусі, з 2014 году — намесьнік старшыні Дзяржаўнага пагранічнага камітэту. У 2010 годзе атрымаў воінскае званьне генэрал-маёра.

29 сьнежня 2016 году прызначаны старшынёй Дзяржаўнага пагранічнага камітэта Рэспублікі Беларусь^[3].

У кастрычніку 2020 году атрымаў воінскае званьне генэрал-леўтэнант^[4].

30 траўня 2023 году быў вызвалены ад пасады старшыні Дзяржаўнага пагранічнага камітэту Беларусі^[5].

Санкцыі і публічныя заявы

2 сьнежня 2021 году Міністэрства фінансаў ЗША ўключыла Анатоля Лапо ў амэрыканскі санкцыйны сьпіс^[6]. Таксама ён трапіў пад санкцыі Канады^[7] і ў чорны сьпіс Эўразьвязу^[8]. 20 сьнежня Лапо ў свой санкцыйны сьпіс уключыла Швайцарыя^[9]. 22 сьнежня да адпаведнага пакету санкцый ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Сэрбія, Чарнагорыя^[10][11]. У 2022 годзе санкцыі супраць яго ўвялі Японія ды Украіна^[12].

У 2023 годзе публічна зьняважыў беларускі нацыянальны бел-чырвона-белы сьцяг у інтэрвію тэлеканалу «Беларусь-1» і назваў яго вывешваньне ўкраінскімі памежнікамі насупраць беларускага прапускнога пункту «абразай»^[13].

Сям’я

Выхоўвае двух дачок^[14].