Раман Галоўчанка

Рама́н Алякса́ндравіч Гало́ўчанка (нар. 10 жніўня 1973) — дзяржаўны дзяяч і дыплямат Беларусі.

Раман Галоўчанка лац. Raman Hałoŭčanka
Раман Галоўчанка, 2020 год
8-ы старшыня Нацыянальнага банку Беларусі
10 сакавіка 2025 — цяперашні час
Прэзыдэнт	Аляксандар Лукашэнка
Папярэднік	Павал Калавур
Прэм’ер-міністар Рэспублікі Беларусь
4 чэрвеня 2020 — 10 сакавіка 2025
Папярэднік	Сяргей Румас
Наступнік	Аляксандар Турчын
4-ы старшыня Дзяржаўнага вайскова-прамысловага камітэту Беларусі
18 жніўня 2018 — 4 жніўня 2020
Прэм’ер-міністар	Сяргей Румас
Папярэднік	Алег Двігалёў
Наступнік	Зьміцер Пантус
3-і амбасадар Беларусі ў ААЭ
2013 — 2018
Прэм’ер-міністар	Андрэй Кабякоў
Папярэднік	Аляксандар Сямешка
Наступнік	Андрэй Лучанок
Асабістыя зьвесткі
Нарадзіўся	10 жніўня 1973(1973-08-10)[1] (51 год) Жодзін, Менская вобласьць, БССР, СССР[2]
Партыя	незалежны палітык[d]
Адукацыя	Маскоўскі дзяржаўны інстытут міжнародных зносін (1996)[3] Акадэмія кіраваньня пры прэзыдэнце Рэспублікі Беларусь (2003)[3]
Дзеці	3
Бацька	Аляксандар Галоўчанка
Узнагароды

Трэці амбасадар Беларусі ў Аб’яднаных Арабскіх Эміратах ( 2013—2018), 4-ы старшыня Дзяржаўнага вайскова-прамысловага камітэту Беларусі (2018—2020) і 10-ы старшыня Савету міністраў Беларусі (2020—2025)^[4]. Восьмы старшыня Нацыянальнага банку Беларусі (ад 2025 году).

Жыцьцяпіс

У 1996 годзе скончыў Маскоўскі дзяржаўны інстытут міжнародных зносін. У 1996—1997 гадох працаваў на вайскова-тэхнічным ЗАТ «Белтэхэкспарт» спачатку ў якасьці рэфэрэнта старшыні ўправы, а затым намесьнікам кіраўніка. У 1997—2002 гадох быў галоўным спэцыялістам Дзяржаўнага сакратарыяту Рады бясьпекі Беларусі. У 2002—2005 гадох займаў пасаду намесьніка начальніка аддзелу нагляду за выкананьнем законаў у вайскова-прамысловым комплексе Пракуратуры Беларусі^[5].

У 2003 годзе скончыў Акадэмію кіраваньня пры прэзыдэнце Беларусі. У 2005—2006 гадох працаваў галоўным дарадцам управы вонкавай палітыкі Адміністрацыі прэзыдэнта Беларусі. У 2006—2009 гадох быў галоўным дарадцам Дзяржаўнага сакратарыяту Рады бясьпекі Беларусі. У 2009 годзе стаў дарадцам-пасланьнікам Амбасады Беларусі ў Польшчы^[5].

У 2009—2013 гадох быў 1-м намесьнікам старшыні Дзяржаўнага вайскова-прамысловага камітэту Беларусі. У 2013—2018 годзе займаў пасаду амбасадара Беларусі ў Аб'яднаных Арабскіх Эміратах. Таксама быў амбасадарам паводле сумяшчальніцтва ў Катары, Кувэйце і Савудаўскай Арабіі. У 2018—2020 гадох узначальваў Дзяржаўны вайскова-прамысловы камітэт Беларусі^[5].

З 4 чэрвеня 2020 году прызначаны прэм’ер-міністрам Беларусі. У чэрвені 2022 году Галоўчанка трапіў у санкцыйны сьпіс Канады^[6]. 10 сакавіка 2025 году ўзначаліў Нацыянальны банк Беларусі^[5].

Асабістае жыцьцё

Раман Галоўчанка жанаты і мае траіх дзяцей.