Партызан-2002 Менск

«Партызан-2002» — беларускі футбольны клюб зь Менску. Двухразовы ўладальнік Кубка Беларусі (2005, 2008).

Партызан-2002 Менск
Поўная назва	Футбольны клюб Партызан-2002 Менск
Заснаваны	2001
Горад	Менск, Беларусь
Чэмпіянат	Другая ліга чэмпіянату Беларусі па футболе
· 2014	Другая ліга, 22 месца
Хатнія колеры Выязныя колеры
Афіцыйны сайт

Гісторыя

Клюб заснаваны ў 2001 годзе^[1]. Да студзеня 2010 году быў вядомы пад назвай МТЗ-РІПА^[2]. У сьнежні 2011 году перамог у стыкавых гульнях «Віцебск» і атрымаў права гуляць у вышэйшай лізе ў сэзоне 2012 году^[3], але ў студзені 2012 году праз адсутнасьць фінансаваньня клюб адмовіўся ад удзелу ў вышэйшай лізе^[4]. Сэзон 2012 году каманда правяла ў чэмпіянаце Менску, дзе заняла 5 месца. Сэзон 2013 году каманда распачала ў другой лізе чэмпіянату Беларусі пад назвай «Партызан»-МТЗ^[5]. З 2014 году мае назву «Партызан-2002»^[6]. Пасьля 14 гульняў чэмпіянату Беларусі 2014 году клюб адмовіўся ад далейшага ўдзелу ў другой лізе празь фінансавыя цяжкасьці, у астатніх 8 матчах клюбу былі залічаныя тэхнічныя паразы^[7].

Стадыён

Асноўны артыкул: Трактар (стадыён)

Хатнім стадыёнам «Партызану» падчас выступленьняў у вышэйшай лізе зьяўляўся стадыён «Трактар». «Трактар» — стадыён у Менску, раней вядомы як стадыён ДСО «Чырвоны сьцяг». Другі па зьмяшчальнасьці стадыён у Менску пасьля стадыёну «Дынама» — 17 600 чалавек. Пабудаваны ў 50-я гады ХХ стагодзьдзя. У 1976 годзе Абласны савет «Чырвоны Сьцяг» перадаў стадыён на балянс МТЗ. У тым жа годзе пачалася першая рэканструкцыя стадыёну. Яна пачалася з будаўніцтва верхняга ярусу з адначасовым узьвядзеньнем насыпных земляных трыбун, устаноўкай электраасьвятленьня і дрэнажу футбольнага поля. Было закладзена запасное поле.

У 1978 пасьля закрыцьця стадыёну «Дынама» на капітальны рамонт першынство СССР па футболе пачалі праводзіць на «Трактары», у тым ліку і спаборніцтвы па лёгкай атлетыцы. Падчас Алімпіяды 1980 году «Трактар» стаў алімпійскай рэзэрвовай арэнай.

У такім выглядзе стадыён праіснаваў да другой рэканструкцыі, якая пачалася ў 1997 годзе й скончылася ў траўні 2000 году. Стадыён набыў сучасны выгляд. Былі ўстаноўлены плястыкавыя сядзеньні, замест земляных трыбун зьявіліся жалезабэтонныя, падтрыбунным памяшканьні сталі адпавядаць эўрапейскім стандартам.

З 2012 каманда праводзіць матчы на стадыёне спартыўна-аздараўленчага комплексу «Алімпійскі».

Фан-сэктар

Фанаты клюбу — першая на тэрыторыі краін СНД арганізаваная фанацкая групоўка, якая адкрыта заявіла аб непрыманьні любых формаў дыскрымінацыі, расізму, нацызму і ўльтраправых ідэяў. У траўні 2014 году фанаты «Партызану» сарвалі мерапрыемства расейскіх нацыяналістаў у Менску^[8].

Папярэднія назвы

• 2002—2009: МТЗ-РІПА
• 2010—2012: «Партызан»
• 2013: «Партызан-МТЗ»
• з 2014: «Партызан-2002»

Дасягненьні

• Чэмпіянат Беларусі
  • Трэцяе месца (2): 2005, 2008

• Кубак Беларусі
  • Пераможца (2): 2005, 2008

Турніры

Чэмпіянат Беларусі (2002—2014)

• Вышэйшая ліга (2004—2010)
• Першая ліга (2003, 2011)
• Другая ліга (2002, 2013—2014)
• Чэмпіянат Менску (2012)

Кубак Беларусі (2002—2014)

Эўракубкі

• Кубак УЭФА (2005/06, 2008/09)

Статыстыка выступленьняў

Чэмпіянат і Кубак Беларусі

Сэзон	Ліга	М	Г	В	Н	П	Галы	Ачкі	Кубак	Заўвагі
2002	Другая (Д3)	1	24	22	2	0	102–21	68	1/16 фінала	▲ Выхад у першую лігу
2003	Першая (Д2)	2	311	22	4	5	64–17	70	1/8 фінала	▲ Выхад у вышэйшую лігу
2004	Вышэйшая (Д1)	14	312	7	9	15	36–57	30	Пераможца
2005	Вышэйшая (Д1)	3	26	16	1	9	43–30	49	1/8 фіналу
2006	Вышэйшая (Д1)	4	26	16	3	7	54–24	51	Чвэрцьфінал
2007	Вышэйшая (Д1)	5	26	11	9	6	32–25	42	Пераможца
2008	Вышэйшая (Д1)	3	30	17	6	7	65–37	57	Чвэрцьфінал
2009	Вышэйшая (Д1)	11	26	8	6	12	34–38	30	Чвэрцьфінал
2010	Вышэйшая (Д1)	12	33	5	8	20	24–70	23	Чвэрцьфінал	▼ Вылет у першую лігу
2011	Першая (Д2)	2	30	20	5	5	59–26	65	1/8 фіналу
	Пераходныя матчы3		2	1	0	1	3–2	3		▲ Выхад у вышэйшую лігу
2012	Чэмпіянат Менску (Д4)	5	14	6	4	4	17–17	22
2013	Другая (Д3)	11	24	5	7	12	26–46	22	1/32 фіналу
2014	Другая (Д3)	22	22	5	3	14	21–44	18[a]	1/16 фіналу

• ¹ З улікам дадатковай гульні за 1 месца (паражэньне 1–2) супраць віцебскага «Лякаматыву».
• ² З улікам дадатковай гульні за 14 месца (перамога 4–1) супраць віцебскага «Лякаматыву».
• ³ Пераходныя матчы за месца ў вышэйшай лізе супраць ФК «Віцебск», перадапошняй каманды вышэйшай лігі 2011 году.

Міжнародныя кубкі

Сэзон	Спаборніцтва	Раўнд	Клюб	Дома	У гасьцях
2005—2006	Кубак УЭФА	1 к/р	Фэрэнцвараш Будапэшт	1-2	2-0
		2 к/р	Тэпліцы	1-1	1-2
2006	Кубак УЭФА Інтэртота	1 раўнд	Шахтар Караганда	1-3	5-1
		2 раўнд	Масква	0-1	0-2
2008—2009	Кубак УЭФА	1КР	Жыліна	2-2	0-1
2009—2010	Ліга Эўропы	1 к/р	Сут’еска Нікшыч	2-1 (д.ч.)	1-1
		2 к/р	Мэталюрг Данецк	1-2	0-3

Галоўныя трэнэры

• Валеры Кеўра, Анатоль Шкляр (2002)
• Вячаслаў Акшаеў (2003)
• Віктар Зярноў (2004)
• Аляксандр Піскароў (2004)
• Юры Пунтус (2004—2006)
• Эдуард Малафееў (2006—2007)
• Андрэй Зыгмантовіч (2007)
• Юры Пунтус (2007—2009)
• Людас Румбуціс (2009—2010)
• Уладзімер Геваркян (2010)
• Уладзімер Курнеў (2011)
• Пётар Зінькевіч (2012—2013)
• Карл Альвін Штрайгель (кастрычнік 2013 — люты 2014)
• Андрэй Лаўрык^[9] (зь лютага 2014)

Вядомыя гульцы

• Гамлет Мхітаран
• Вячаслаў Глеб
• Арцём Канцавы
• Алег Страхановіч
• Аляксандар Суліма
• Міхаіл Афанасьеў
• Максім Бардачоў
• Аляксандар Макась (выхаванец клюбу)
• Юры Кендыш (выхаванец клюбу)
• Мікалай Рындзюк
• Сяргей Сасноўскі
• Паскаль Мэндзі
• Нікалас Сэалін
• Рафаэль Ледэсма

Заўвагі

1. Каманда зьнялася з чэмпіянату пасьля 14 тураў, ва ўсіх астатніх гульнях клюбу былі залічаныя паразы зь лікам 0:3