Андрэй Яўдачэнка

Андрэ́й Алякса́ндравіч Яўдачэ́нка (нар. 11 сакавіка 1958 году ў Швэрыне) — беларускі дыплямат.

Андрэй Яўдачэнка
Намесьнік міністра замежных справаў Рэспублікі Беларусь
30 кастрычніка 2006 — 4 лютага 2011
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Надзвычайны і Паўнамоцны Амбасадар Рэспублікі Беларусь у Вугорскай Рэспубліцы
24 кастрычніка 1999 — 20 ліпеня 2004
Прэзыдэнт	Аляксандар Лукашэнка
Папярэднік	Міхаіл Марыніч (?)
Наступнік	Алена Купчына
Асабістыя зьвесткі
Нарадзіўся	11 сакавіка 1958 (67 гадоў) Швэрын
Адукацыя	Менскі дзяржаўны лінгвістычны ўнівэрсытэт Менскі дзяржаўны архітэктурна-будаўнічы каледж[d]
Узнагароды	Ганаровая грамата Савету Міністраў Рэспублікі Беларусь (2008)

Працаваў начальнікам у Міністэрстве замежных справаў Рэспублікі Беларусь, а таксама першым сакратаром і дарадцам у амбасадзе Рэспублікі Беларусь у Каралеўстве Бэльґія. 24 кастрычніка 1999 году быў прызначаны Надзвычайным і Паўнамоцным Амбасадарам Рэспублікі Беларусь у Вугорскай Рэспубліцы^[1]; адстаўлены быў 20 ліпеня 2004 году^[2].

30 кастрычніка 2006 году быў прызначаны намесьнікам Міністра замежных справаў Рэспублікі Беларусь^[3]. 4 лютага 2011 году адстаўлены з гэтай пасады^[4] й прызначаны Надзвычайным і Паўнамоцным Амбасадарам Рэспублікі Беларусь у Бэльгіі, Пастаянным прадстаўніком Рэспублікі Беларусь пры Эўрапейскім Зьвязе і Пастаянным прадстаўніком Рэспублікі Беларусь пры Арганізацыі Паўночнаатлянтычнай дамовы па сумяшчальніцтве^[5]. 3 сьнежня 2013 году атрымаў дадаткова ранг амбасадара ў Вялікім герцагстве Люксэмбург па сумяшчальніцтве^[6].

13 чэрвеня 2016 году быў прызначаны Першым намесьнікам міністра замежных справаў^[7].

20 ліпеня 2020 году быў прызначаны Надзвычайным і Паўнамоцным Амбасадарам Рэспублікі Беларусь у Каралеўстве Нідэрляндаў^[8].

7 сакавіка 2008 году ўзнагароджаны Ганаровай граматай Савету Міністраў Рэспублікі Беларусь^[9].