Антыцыклён

Антыцыклён — замкнёная вобласьць павышанага атмасфэрнага ціску з максымальным ціскам у цэнтры. Вятры ў антыцыклёне абгінаюць цэнтар па гадзіньнікавай стрэлцы ў паўночным паўшар’і й супраць гадзіньнікавай стрэлкі ў паўднёвым. Сыходны рух паветра ў антыцыклёне абумоўлівае адсутнасьць воблачнасьці. Улетку пераважае гарачае й сухое надвор’е, зімой - марознае й ясная. Антыцыклёнам называюць вобласьці павышанага ціску ў атмасфэры, дыямэтрам ад некалькіх соцень да некалькіх тысячаў кілямэтраў, якія характарызуюцца своеасаблівымі ўмовамі надвор’я й сыстэмай цячэньня паветра. Антыцыклёны разам зь якасна процілеглымі ім цыклёнамі (абласьцямі паніжанага ціску) зьяўляюцца найважнейшымі віхравымі формамі агульнай цыркуляцыі атмасфэры.

Спадарожнікавы здымак, які паказвае вобласьць антыцыклёна на поўдзень ад Аўстраліі

Глядзіце таксама

• Цыклён
• Вобласьць высокага ціску
• Дэпрэсія (мэтэаралёгія)
• Сьпіраль

Літаратура

• 242 Беларуская энцыклапедыя: У 18 т.. — Мн.: 2002 Т. 15: Следавікі — Трыо. — С. Субтрапі́чны антыцыкло́н.