Арганізацыя сувязі Грэцыі

«Арганізацыя сувязі Грэцыі» (па-грэцку: Οργανισμός Τηλεπικοινωνιών Ελλάδος; АСГ) — прадпрыемства Грэцыі, заснаванае ў кастрычніку 1949 году на аснове «Грэцкага тэлефоннага прадпрыемства».

«Арганізацыя сувязі Грэцыі»
грэц. Οργανισμός Τηλεπικοινωνιών Ελλάδος
Тып	акцыйнае таварыства
Лістынг на біржы	Атэны: ΟΤΕ
Дэвіз	Лепшы сьвет для ўсіх
Заснаваная	23 кастрычніка 1949 (75 гадоў таму)
Заснавальнікі	Парлямэнт Грэцыі
Уласьнікі	«Нямецкая сувязь» (53%), Адзіная ўстанова сацыяльнага страхаваньня(el) (7%)[1]
Краіна	Грэцыя
Разьмяшчэньне	вобласьць Атыка
Адрас	Марусі, прасп. Кіфісіі, д. 99[2]
Ключавыя фігуры	Міхаіл Чамаз (генэральны дырэктар)[3]
Галіна	сувязь
Прадукцыя	стацыянарны тэлефон[d]
Паслугі	сотавая сувязь, стацыянарная тэлефанія, шыракапалоснае Сеціва і тэлебачаньне
Абарачэньне	▲3,973 млрд эўра (2023 год)
Апэрацыйны прыбытак	▼725 млн эўра (2023 год)
Чысты прыбытак	▼691 млн эўра (2023 год)[4]
Лік супрацоўнікаў	10 590 (2023 год)[5]
Матчына кампанія	«Нямецкая сувязь»
Даччыныя кампаніі	«Сотавая сувязь Румыніі»
https://www.cosmote.gr/cs/otegroup/gr/corp_homepage.html cosmote.gr
«Арганізацыя сувязі Грэцыі» у Вікісховішчы

На 2024 год холдынг «АСГ» аказваў паслугі сотавай сувязі, стацыянарнай тэлефаніі, шыракапалоснага Сеціва і тэлебачаньня. Сярод іншага, прапаноўваў паслугі марской сувязі, у галіне нерухомасьці, электронных плацяжоў, анлайн-заказу дастаўкі ежы і лібчавага страхаваньня. На 2023 год налічваў 7,2 млн сотавых абанэнтаў, 2,7 млн абанэнтаў стацыянарнай тэлефаніі, 2,3 млн падпісчыкаў шыракапалоснага Сеціва, у тым ліку 1,3 млн праз оптавалакно, і 678 тыс. абанэнтаў тэлебачаньня. «Арганізацыя сувязі Грэцыі» была першым пастаўніком сотавай сувязі 5-га пакаленьня ў Грэцыі, пакрыцьцё якой дасягнула 90 % насельніцва. За мяжой мела даччыннае прадпрыемства «Сотавая сувязь Румыніі»^[5], а таксама прадпрыемства воблачных сэрвэраў «Сусьветныя рашэньні КосмАСГ» у Бэльгіі. Даччынымі прадпрыемствамі ў Грэцыі былі: сотавы апэратар «КосмАСГ» на 7 млн абанэнтаў, кол-цэнтар «КосмАСГ э-вартасць» (Атэны) на 7000 супрацоўнікаў, «Страхаваньне АСГ» (Атэны), «Акадэмія АСГ», «Нерухомасьць АСГ», «Сельская поўнач АСГ» і «Сельскі поўдзень АСГ» для разбудовы шыракапалоснага Сеціва, «Спадарожнікава-марская сувязь АСГ» (Пірэй), гандлёвая пляцоўка «Нямеччына», «Тэлевытворчасьць КосмАСГ», «Тэхнічныя паслугі КосмАСГ» (Новая Ёнія) і «Плацяжы КосмАСГ»^[6].