Аршанская газэта

Аршанская газэта — раённая газэта Аршанскага раёну Віцебскай вобласьці. Выдаецца з 1917 году. Заснавальнікі: Аршанскі раённы выканаўчы камітэт і Аршанскі раённы Савет дэпутатаў.

Аршанская газэта
Тып	тры разы на тыдзень
Заснавальнік	Аршанскі раённы выканаўчы камітэт Аршанскі раённы Савет дэпутатаў
Галоўны рэдактар	Настасься Турок
Заснаваная	14 траўня 1917 (108 гадоў таму)
Палітыка	Урадавая
Мова	беларуская мова і расейская мова
Штаб-кватэра	Ворша, вул. Аляксандра Герцэна, 4а
Наклад	3500
Афіцыйны сайт	orshanka.by

Гісторыя

Газэта пачыналася яна «Известия рабочих, солдатских и крестьянских депутатов Оршанского района». Першы нумар газэты выйшаў 14 траўня 1917 году. З лютага па сакавік 1918 году ў сувязі з набліжэньнем нямецкіх войскаў да Воршы выхад газэты прыпыняўся.

3 кастрычніка 1918 году замест «Известий» пачынае выдавацца новая газэта «Набат», якая выходзіла на 4 палосах малога фармату з перыядычнасьцю выхаду штодзённа, акрамя нядзелі.

3ь 1 траўня 1921 году ў сувязі з заканчэньнем грамадзянскай вайны выдантне «Набату» спыняецца і пачынае выходзіць газэта «Известия». У сувязі з уваходжаньнем Аршанскага павету ў склад Смаленскай губэрні РСФСР з 1923 году выданьне «Известий» спыняецца.

У 1924 годзе Ворша вяртаецца ў склад БССР і 26 верасьня 1925 году выйшаў пробны, так званы «нулявы нумар» газэты «Камуністычны шлях». Газэта спачатку выдавалася на беларускай і расейскай мовах, але паступова перайшла толькі на беларускую. Фармат — 4 паласы на аркушах вялікага памеру, перыядычнасьць выхаду — 2 разы на тыдні (у чацьвер і нядзелю), наклад 3500 асобнікаў.

У кастрычніку 1930 году па невядомых прычынах выхад «Камуністычнага шляху» спыняецца. 3 другой паловы кастрычніку пачынае выходзіць новая газэта «Змычка». Фармат — 4 паласы на вялікіх аркушах, перыядычнасьць выхаду — 3 разы ў 10 дзён.

У сакавіку 1931 году газэта «Змычка» была перайменаваная ў «Ленінскі прызыў», назва якой існавала да 1991 году. У 1991 годзе «Ленінскі прызыў» стаў «Аршанскай газэтай»^[1].

У «Аршанскай газэце» пачыналі свой жыцьцёвы і творчы шлях такія вядомыя беларускія пісьменьнікі, як У. Корбан, У. Караткевіч, Я. Васілёнак, А. Міронаў, М. Садковіч, А. Стаховіч, Я. Сіпакоў, Л. Калодзежны^[2].