Арыбэ Пэральта

Ары́бэ Пэра́льта Маро́нэс (па-гішпанску: Oribe Peralta Morones; нар. 12 студзеня 1984 году, Тарэон, Мэксыка) — былы мэксыканскі футбаліст, нападнік. Выступаў у складзе нацыянальнай зборнай Мэксыкі. Алімпійскі чэмпіён 2012 году ў Лёндане, а таксама найлепшы футбаліст КОНКАКАФ 2013 году.

Арыбэ Пэральта
Пэрсанальная інфармацыя
Нарадзіўся	12 студзеня 1984(1984-01-12)[1][2][3] (41 год) Тарэон, Кааўіля, Мэксыка
Рост	178 см
Вага	72 кг
Пазыцыя	нападнік
Клюбы
Гады	Клюб	Гульні (галы)¹
2003	Манаркас Марэлія[d]	2 (0)
2003—2004	Леон[d]	33 (10)
2004—2006	Мантэрэй	64 (11)
2006—2014	Сантас Лягуна	223 (82)
2009	→ Хагуарэс Ч’япас[d]	35 (12)
2014—2019	Амэрыка Мэхіка	182 (60)
2019—2021	Гвадаляхара	33 (1)
Зборныя
2005—2018	Мэксыка	67 (26)
2011—2012	Мэксыка (да 23)[d]	14 (10)

Кар’ера

Клюбная

Пэральта дэбютаваў у прафэсійным футболе за клюб «Марэлія» 22 лютага 2003 году, выйшаўшы на замену ў другім тайме ў матчы супраць «Амэрыцы». Пазьней Арыбэ перайшоў у склад клюбу другога дывізіёну «Леон». Паводле вынікаў сэзону Арыбэ выйшаў у 33 матчах і забіў 10 галоў, а клюб выйшаў у вышэйшы дывізіён. Пасьля гэтага гулец далучыўся да табару клюбу «Мантэрэй», аднак свае зорныя сэзоны гулец правёў у клюбе «Сантас Лягуна», разам зь якім двойчы стаў чэмпіёнам Мэксыкі.

13 траўня 2014 году, было абвешчана, што Пэральта быў прададзены ў клюб «Амэрыка»^[4][5]. Не зважаючы на тое, што дэталі трансфэру не былі прадстаўлены, лічыцца, што «Амэрыка» заплаціла за гульца 10 млн даляраў ЗША, што зрабіла гэтую ўгоду самай дарагой у гісторыі мэксыканскага футболу^[6].

Міжнародная

Пэральта дэбютаваў у складзе зборнай Мэксыкі выйшаўшы на апошняй замене падчас таварыскага матчу супраць зборнай Аргентыны 9 сакавіка 2005 году. Ён быў уключаны ў сьпіс да падрыхтоўкі да чэмпіянату сьвету 2006 году, але ня быў уключаны ў канчатковы склад^[7]. Гулец быў уключына ў склад нацыянальнай каманды на чэмпіянат сьвету 2014 году.

Дасягненьні

«Леон»

• Чэмпіён Мэксыкі: 2004(к)

«Сантас Лягуна»

• Чэмпіён Мэксыкі: 2008(к), 2012(к)

«Амэрыка»

• Чэмпіён Мэксыкі: 2014(а), 2018(а)
• Уладальнік Кубка Мэксыкі: 2019(к)
• Пераможца Лігі чэмпіёнаў КОНКАКАФ: 2015, 2016

Мэксыка:

• Пераможца летніх Алімпійскіх гульняў: 2012
• Уладальнік Залатога кубка КОНКАКАФ: 2015
• Удзельнік летніх Алімпійскіх гульняў: 2012, 2016