Астранамічны гадзіньнік

Астранамічны гадзіньнік, зэгар — мэханічны гістарычны гадзіньнік, які акрамя часу паказвае таксама месцазнаходжаньне астранамічных аб’ектаў (Сонца, Месяцу) у знаках Задыяку, фазы Месяцу і інш. Найстарэйшым астранамічным гадзіньнікам быў гадзіньнік Астрарыюм, зроблены ў 1344 годзе Джаваньні дэ Донды, які разьмяшчаўся на палацы Капэтаната ў Падуі, аднак ён быў разбураны яшчэ ў 1390 годзе. Вельмі старым зьяўляецца гадзіньнік Страсбурскага сабору, зроблены першапачаткова таксама ў XIV стагодзьдзі і перабудаваны ў другой палове XVI. Сярод найстарэйшых гадзіньнікаў-астралябіяў найбольшую вядомасьць набылі Праскі ды Бэрнскі астранамічныя гадзіньнікі. Гэткі тып гадзіньнікаў шырока распаўсюджаны ў шэрагу краінаў Эўропы, як то Францыі, Ангельшчыне, Італіі, Чэхіі, Нямеччыне (на поўначы краіны — у былых ганзейскіх, на поўдні — у былых імпэрскіх гарадах), а таксама ў Швэцыі, Бэльгіі, ды ў некаторых іншых краінах.

Астранамічны гадзіньнік на Старамескай ратушы ў Празе

Галерэя

• 
  Астранамічны гадзіньнік Люндзкага сабору, Люнд, Швэцыя
• 
  Астранамічны гадзіньнік Гайльбронскай ратушы, Нямеччына
• 
  Астранамічны гадзіньнік у Эсьлінгене-на-Нэкары, Нямеччына
• 
  Гадзіньнік–астралябія ў саборы Мюнстэра, Нямеччына
• 
  Гадзіньнік–астралябія на Гадзіньнікавай вежы ў Бэрне, Швайцарыя
• 
  Астранамічны гадзіньнік у Страсбурскім саборы, Страсбург, Францыя
• 
  Астранамічны гадзіньнік у Бэзансоне, Францыя
• 
  Астранамічны гадзіньнік у Мантуі, Італія

Вонкавыя спасылкі

Астранамічны гадзіньнік — сховішча мультымэдыйных матэрыялаў