Асьлік

Асьлі́к, Асьліўка, Восьлік — рака ў Беларусі, правы прыток ракі Друці (басэйн Дняпра). Цячэ ў Круглянскім і Бялыніцкім раёнах Магілёўскай вобласьці. Даўжыня 66 км. Плошча водазабору 413 км². Выдатак вады ў вусьці 2,6 м³/с. Сярэдні нахіл воднай паверхні 0,7‰.

Рака

Асьлік лац. Aślik
Агульныя зьвесткі
Выток	каля в. Саньнікі
Вусьце	Друць
Краіны басэйну	Беларусь
Вобласьці	Магілёўская вобласьць
Даўжыня	66 км
Сярэднегадавы сьцёк	2,6 м³/с
Плошча басэйну	413 км²
Нахіл воднай паверхні	0,7 ‰

На рацэ стаяць гістарычныя мястэчкі Круча і Шапялевічы.

Асноўныя прытокі

• Правыя: Чарнаўка, Смародзіна
• Левы: Рутка

Агульныя зьвесткі

Пачынаецца за 2,5 км на паўднёвы захад ад вёскі Саньнікаў Круглянскага раёну, упадае ў Друць каля вёскі Асаўцу Бялыніцкага раёну. Паўночная частка водазабору на Аршанска-Магілёўскай, паўднёвая — на Цэнтральнабярэзінскай раўнінах.

Даліна трапэцападобная, у вярхоўі невыразная, шырынёй 500—800 м. Рэчышча зьвілістае, шырынёй 10—20 м, ад вытоку на працягу 8 км каналізаванае. Берагі нізкія і забалочаныя^[1].