Аўдзееўка

Аўдзе́еўка (па-ўкраінску: Авді́ївка) — места абласнога значэньня ў Данецкай вобласьці Ўкраіны. Знаходзіцца за 22 км на поўнач ад Данецку, у вярхоўі ракі Каменкі (прытока Крывога Тарца, басэйн Северскага Данца). Чыгуначная станцыя. Насельніцтва — 35 052 жыхары (2014).

Аўдзееўка
укр. Авдіївка
Герб Аўдзееўкі Сьцяг Аўдзееўкі
Дата заснаваньня:	1778
Места з:	1956
Краіна:	Украіна
Вобласьць:	Данецкая
Раён:	Аўдзееўская гарадзкая рада
Мэр:	Юры Чаркасаў
Плошча:	29 км²
Вышыня:	212 м н. у. м.
Насельніцтва (2014)
колькасьць:	▼ 35 052 чал.[1]
шчыльнасьць:	1208,69 чал./км²
Часавы пас:	UTC+2
летні час:	UTC+3
Тэлефонны код:	6236
Паштовыя індэксы:	86060—86075
КОАТУУ:	1410200000
Геаграфічныя каардынаты:	48°8′0″ пн. ш. 37°45′0″ у. д.
Аўдзееўка на мапе Ўкраіны Аўдзееўка
Галерэя здымкаў у Вікісховішчы
Аўдзееўская гарадзкая рада

Назва

Паводле паданьня, паселішча атрымала назву ад імя першага пасяленца Аўдзея^[2]. Ён нібы запрасіў сюды на пражываньне ўцекачоў з Палтаўскае губэрні. Як дапускае ўкраінскі пісьменьнік Юры Кругляк^[3], разам з палтаўцамі сюды прыбывалі й чарнігаўцы, якія маглі назваць сваё новае месца жыхарства назваю таго паселішча, адкуль прыбылі.

На Чарнігаўшчыне ёсьць дзьве Аўдзееўкі: у Кулікоўскім і ў Сасьніцкім раёнах. Назва апошняе зь іх паходзіць ад імя яе заснавальніка Аўдзея, князя северскага.