Аўсянка (рака)

Аўсянка — рака ў Гарадоцкім раёне Віцебскай вобласьці, правы прыток ракі Ўсьвячы (басэйн Дзьвіны). Даўжыня 90 км. Плошча вадазбору 598 км². Выдатак вады ў вусьці 4 м³/с. Сярэдні нахіл воднай паверхні 0,6‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Аўсянка.

Рака

Аўсянка
Агульныя зьвесткі
Выток	каля в. Сіціна
Вусьце	Усьвяча
Краіны басэйну	Беларусь
Вобласьці	Гарадоцкі раён і Пскоўская вобласьць
Даўжыня	90 км
Сярэднегадавы сьцёк	4 м³/с
Плошча басэйну	598 км²
Нахіл воднай паверхні	0,6 ‰

Асноўныя прытокі

• Правыя: Асеча
• Левыя: Ардынка, Салонаўка

Агульныя зьвесткі

Пачынаецца за 2 км на поўнач ад вёскі Сіціна, цячэ праз 7 азёраў (у тым ліку Нёгра, Вышадзкае, Мядзесна, Цёста), вярхоўе і сярэдняя плынь ў межах Гарадоцкага ўзвышша, нізоўе на Сураскай нізіне. Упадае ўва Ўсьвячу каля вёскі Любань Усьвяцкага раёну Пскоўскай вобласьці (Расея).

Даліна да вёскі Смолаўка скрынка- або трапэцападобная, шырынёй 300—400 м, ніжэй па плыні невыразная. Абалона двухбаковая, шырынёй 100—300 м. Рэчышча ўмерана зьвілістае, шырынёй 4—6 м, у сярэдняй і ніжняй плыні месцамі да 50 м^[1].

Жывёльны сьвет

У рацэ трапляецца вадзяны арэх — ахоўны рэліктавы від у флёры Беларусі (месца яго росту ніжэй за возера Ведрынскае зьяўляецца помнікам прыроды).