Баньяк

Баньяк (каля 1070 — пасьля 1107) — куманскі хан, вядомы сваімі няспыннымі крывавымі набегамі на Русь, падчас якіх ён зьнішчаў цэлыя гарады^[1].

Хан Баньяк лац. Khan Bańjak
XI стагодзьдзе
Напад Баньяка на Кіеў у 1096 годзе (Радзівілаўскі летапіс)
Прыналежнасьць	Белая Куманія
Род войскаў	куманы
Гады службы	1096 - 1107
Пасада	хан
Сувязі	сын Севенч, брат Тааз

Жыцьцё

Зьдзейсьніў шэраг рабаўніцкіх нападаў на Русь у пэрыяд з 1094 па 1107 год. Вядомы сваёй актыўнай дапамогай Бізантыі ў бітве пры Левуніёне ў 1091 годзе, дзе выратаваў гэту дзяржаву ад печанегаў.

Упершыню згадваецца ў руськіх летапісах пад 1096 годам, калі яго войскі напалі на Кіеў і спалілі княскі двор у Бераставе, Чырвоны двор у Выдубічах і прыгарадныя Пячэрскі й Клоўскі манастыры. Магчыма, напад быў помстай за забойства куманскіх князёў Кітана й Ітлара ў Пераяславе 24 лютага 1095 году Ўладзімірам Манамахам. У 1097 і 1105 гадах ён зноў нападаў на руськія землі.

Помнікі

• У гонар хана названа ўрочышча Баньяк каля былой куманскай вёскі Пяшчатка ў Берасьцейскай вобласьці^[2].