Барт Вэрбруген

Барт Вэрбру́ген (па-нідэрляндзку: Bart Verbruggen; нар. 18 жніўня 2002 году) — нідэрляндзкі футбаліст, брамнік ангельскага клюбу «Брайтан энд Гоўв Альбіён» і нацыянальнай зборнай Нідэрляндаў.

Барт Вэрбруген
Пэрсанальная інфармацыя
Нарадзіўся	18 жніўня 2002(2002-08-18)[1] (23 гады) Брэда, Паўночны Брабант, Нідэрлянды[1]
Рост	193 см
Клюбная інфармацыя
Клюб	Брайтан энд Гоўв
Нумар	1
Клюбы
Гады	Клюб	Гульні (галы)¹
2020—2023	Андэрлехт	24 (0)
2022—2023	Андэрлехт Ф’ючарз[d]	14 (0)
2023—	Брайтан энд Гоўв	57 (0)
Зборныя
2023—	Нідэрлянды	20 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 25 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 23 сакавіка 2025.

Кар’ера

Клюбная

Вэрбруген далучыўся да «Андэрлехту» у 2020 годзе, перайшоўшы з клюбу НАК. Дэбютаваў на прафэсійным узроўні 2 траўня 2021 году ў матчы першага бэльгійскага дывізіёну A супраць «Бруге». 23 лютага 2023 году адбіў усе тры пэнальці падчас сэрыі супраць «Лудагорцу» з Разграду ў другім матчы плэй-оф Лігі канфэрэнцыяў 2022—2023 гадоў, што дапамагло ягонай камандзе атрымаць прасоўваньне далей. 3 ліпеня 2023 году «Брайтан энд Гоўв Альбіён» абвесьціў аб складаньні з гульцом пяцігадовага кантракту^[2]. Запачаткаў кар’еру ў Прэм’ер-лізе 26 жніўня ў матчы супраць «Ўэст Гэм Юнайтэд», дзе ягоная дружына зьведала паразу зь лікам 3:1^[3].

Міжнародная

Дэбютаваў у складзе нацыянальнай зборнай Нідэрляндаў 13 кастрычніка 2023 году ў кваліфікацыйным матчы да чэмпіянату Эўропы 2024 году супраць зборнай Францыі^[4]. Трапіў у заяўку на чэмпіянат Эўропы 2024 году, дзе быў галоўным брамнікам каманды.