Бася

Ба́ся — рака Беларусі, правы прыток Проні (басэйн Дняпра). Цячэ ў Магілёўскай вобласьці. Даўжыня 104 км. Плошча вадазбору 955 км². Выдатак вады ў вусьці 6,3 м³/с. Агульны спад ракі 70,7 м. Сярэдні нахіл воднай паверхні 0,68 ‰.

Рака

Бася лац. Basia
Агульныя зьвесткі
Выток	каля в. Анціпенкі
Вусьце	Проня
Краіны басэйну	Беларусь
Вобласьці	Віцебская вобласьць і Магілёўская вобласьць
Даўжыня	104 км
Сярэднегадавы сьцёк	6,3 м³/с
Плошча басэйну	955 км²
Нахіл воднай паверхні	0,68 ‰
Галерэя здымкаў у Вікісховішчы

На рацэ стаіць места Чавусы.

Назва

Існуе некалькі вэрсіяў паходжаньня назвы ракі:

1. Ад «ва» і «сош» (або «соу») — водны паток, або рака, што цячэ з балота («соу» — балота);
2. Ад балцкага «балота»;
3. «ва» і «сін» — рака з ручаямі: рака, што бярэ пачатак з ручая (ручаёў).

Прытокі

У басэйне ракі 39 невялікіх прытокаў агульнай даўжынёй 96 км.

• Правыя: Аўчоса, Лімна, Лешня, Руза
• Левыя: Галубіна, Касінка, Паўна, Чарніца

Агульныя зьвесткі

Пачынаецца на Смаленскім узвышшы на паўднёвай ускраіне вёскі Анціпенкаў Дубровенскага раёну, працякае Аршанска-Магілёўскай раўнінай у Горацкім, Дрыбінскім, Шклоўскім і Чавускім раёнах.

Абалона двухбаковая, парэзаная старыцамі і далінамі прытокаў; яе шырыня 150—300 м. Рэчышча мерна зьвілістае, слабаразгалінаванае, у верхняй плыні на 18 км каналізаванае, на асобных дзялянках расчышчанае; шырыня ў сярэдняй і ніжняй плыні 10—15 м. Берагі стромкія. У басэйне ракі 295 км адкрытай мэліярацыйнай сеткі^[1].